3/28/2024
Today from Hiiraan Online:  _
Wararka Maanta- Sabti, Jan 18, 2020
Maxay tahay sababta Galmudug iyo Hirshabelle uga maqanyihiin mashruuca maanta la hakiyay ?
 

Sabti, Janaayo, 18, 2020 (HOL)- Bangiga Adduunka ayaa bishii December ee sanadkii hore ansixiyay $ 112 milyan oo deeq ah oo loogu talagalay in lagu bixiyo kaabayaasha mudnaanta leh ee magaalooyinka Soomaaliya lana xoojiyo awoodda dowladdaha hoose.

Dhaqaalahaan ayaa ku jira wajiga labaad Mashruuca la yiraahdo The Somalia Urban Resilience Project (SURP), oo taageeri doona maalgashiga kaabayaasha magaalooyinka istiraatiijiga ah ee leh wax soo saarka sida Muqdisho, Garowe, Kismayo iyo Baydhaba.

Warbixinta Bankiga aduunka waxaa lagu sheegay in mashruuca la balaarindoono oo uu gaaridoono magaalooyinka Galmudug iyo Hirshabelle si loo daboolo baahida qaran ee dalka.

Muhiimada laga leeyahay mashruucaan waa inuu gacan ka geysto adeegsiga nidaamyada Maareynta Maaliyadda Dowladda iyo u oggolaanshaha dowladdaha hoose inay hoggaamiyaan gaarsiinta adeegyada muwaadiniintooda.

Dhaqaalaha mashruucaan ku baxaya wuxuu ka kala imaanayaa $50 milyan oo ay bixinayso IDA ah iyo $ 62 milyan oo uu bixinayo Sanduuqa horumarinta Soomaaliya (SMPF).

Heshiiska mashruucaan waxaa horey uwada saxiixday Bangiga Adduunka iyo Wasaaradda Maaliyadda oo matalaysay Dowladda Federaalka Soomaaliya.

Kadib markii maanta mashruucaasi fulintiisa lagu kala saxiixday, Muqdisho ayaa raysal wasaare Kheyre si kedis ah usoo saaray amar lagu hakinayay mashruucaan Lamana sheegin ujeedada.

Abdiweli M. Sheikh, Hiiraan Online
[email protected]












Click here
1/18/2020 2:58 PM EST
Sabti, Janaayo ,18,2020 (HOL )–Xisbiyada mucaaradka Somaliland ayaa guddida doorashooyinka ugu baaqay inay is casilaan mar hadddi aanay xisbiyadu garsoorkooda raali ka ahayn.

1/18/2020 10:08 AM EST
Sabti, Janaayo, 18, 2020 (HOL)- Ra'iisal Wasaarraha Xukuumadda Soomaaliya Xassan Cali Kheyre ayaa joojiyay islamarkaana waxba kama jiraan ka soo qaaday heshiis ay maanta kala saxiixdeen Wasiirradda Maaliyada Dowladda Federaalka iyo qaar ka mid ah Dowlad gobolleedyada dalka.

1/18/2020 8:18 AM EST
Sabti, Janaayo, 18, 2020 (HOL)-Inta la xaqiijinayo saddex ruux ayaa ku dhimatay 20 kalana dhaawac ayaa ka soo gaaray Qarax gaari loo adeegsaday oo lagu qaaday kolonyo ay la socdeen shaqaale Turkish ah oo ku howlanaa dhismaha Waddada xiriirisa Muqdisho iyo Afgooye.

1/18/2020 7:33 AM EST
Sabti, Janaayo, 18, 2020 (HOL)- Guddiga tirokoobka iyo diiwaan galinta ciidamada Puntland ayaa maanta bilaabay diiwaan galinta ciidanka bilayska Puntland.

1/18/2020 5:25 AM EST
Sabti, Janaayo, 18, 2020 (HOL)- Shir wadatashi ah oo udhexeeya Puntland iyo Jubbaland, ayaa ka furmay magaalada Bosaso ee xarunta gobolka Bari, halkaas oo ay ku sugan yihiin madaxweynayaasha labada maamul.

1/18/2020 5:01 AM EST
Sabti, Janaayo, 18, 2020 (HOL)- Saraakiisha ciidamada dowladda Soomaaliya ayaa sheegay in ay iska difaaceen sida ay hadalka u dhigeen weerar dhowr jiho uga yimid oo ay Ururka Al-shabaab ku soo qaadeen fariisimahooda degmada Afgooye ee gobolka Shabeellaha Hoose

1/18/2020 2:46 AM EST
Sabti, Janaayo, 18, 2020 (HOL)- Faah faahin dheeraad ah ayaa ka soo baxay weerar Bambaano oo lagu qaaday Guri ku yaala magaalada Muqdisho oo inta la og-yahay ay ku dhaawacmeen 10 ruux oo ka mid ahaa dadkii guriga ku sugnaa.

1/18/2020 1:15 AM EST
Sabti, Janaayo, 18, 2020 (HOL)-Madaxweynaha maamulka Puntland, Siciid Cabdulaahi Deni ayaa muujiyay walaac amni oo weyn oo Puntland iyo shacabkeeda ka qabaan labada buurood ee ay ku kala jiraan Al-shabaab iyo Daacish.