8/5/2020
Today from Hiiraan Online:  _
Wararka Maanta- Sabti, Feb 8 , 2020
Bosaso: Arday farriin culus u dirtay madaxweyne Deni iyo wasiirkiisa waxbarashada


        

Sabti, Feberaayo, 08, 2020 (HOL)- Ardayda wax ka barata dugsiga sare ee Bosaso Public secondary school oo kamid ah dugsiyada dowliga ah ee Puntland, ayaa sheegay inay u baahan yihiin shahaadada dowladda Soomaaliya bixiso, Puntlandna aysan ku ciyaarin mustaqbalka arday muddo 12 sanno wax soo baranayay.

Ardayda ayaa hadalkaan saxaafada ka sheegay wax yar kadib, markii uu dugsigaas booqasho ku tagay wasiirka waxbarashada Puntland oo ardayda kala hadlayay inaanay welwel ka muujin arinta shahaadada ayna ku kalsoonaadaan maamulkooda.

Balse, ardayda oo fursad u helay inay si gaar ah ula hadlaan cod baahiyaha warbaahinta ayaa sheegay inay doonayaan in ay lamid noqdaan ardayda kale ee Soomaaliyeed islamarkaana ay la galaan hal imtixaan oo midaysan.

Waxay ardaydu walaac weyn ka muujiyeen khilaafka waxbarashada ee labada dhinac, iyagoo caddeeyay in aanay diyaar u ahayn in mustaqbalkooda muran la galiyo ayna kasoo horjeedaan wax walba oo dhaawacaya himiladooda iyo midnimada Soomaaliyeed.

Tan iyo markii uu bilowday khilaafka dhinaca waxbarashada Puntland iyo dowladda federalka, arday badan oo Puntland wax ku barta ayay walaac xoogan ku abuurtay arrintaan, waxaana sidoo kale lamid ah waaladiinta ilmahooda garab taagnaa mudadaas.

Hiiraan Online, Muqdisho









Click here
2/8/2020 12:06 PM EST
Sabti, Feberaayo, 08, 2020 (HOL)-Madaxweynaha Soomaaliya Maxamed Cabdullaahi Farmaajo ayaa goordhaw gaaray magaalada Adis Ababa ee caasimadda dalka Itoobiya.

2/8/2020 10:29 AM EST
Sabti, Feberaayo, 08, 2020 (HOL)- 16 qof ayaa ku geeriyootay shil gaari oo galinkii hore ee maanta ka dhacay goobta lagu magacaabo Laas-dheere oo 20 km u jirta magaalada Diridhabe.

2/8/2020 7:21 AM EST
Sabti, Feberaayo, 08, 2020 (HOL)- Golaha Aqalka Sare ee Soomaaliya, ayaa maanta ansixiyay Hindise- sharciyeedka Doorashooyinka Qaranka ee dowladda Federaalka.

2/8/2020 5:13 AM EST
Sabti, Feberaayo, 08, 2020 (HOL)- Kenya ayaa ku dhawaaqday inay ardaydeeda kasoo daadgureyn doonto magaalada ayku xayiran yihiin ee Wuhan, waxayna ku boorisay deriskeeda Ethiopia, inay joojiso duullimaadyada ay ku tagayaan Shiinaha si ay gacan uga geystaan xakameynta cudurka coronavirus ee dhaqsaha u faafa.

2/8/2020 4:30 AM EST
Sabti, Feberaayo, 08, 2020 (HOL)- Madaxweynaha dowladda Federaalka Soomaaliya Maxamed Cabdullaahi Farmaajo ayaa saxiixay Sharciga Baatroolka dalka, kaddib markii Labada Aqal ee Baarlamaanka Jamhuuriyaddu ay soo dhammeystireen hannaankii sharci ee kaga aaddanaa dhaqan galkiisa.

2/8/2020 3:08 AM EST
Sabti, Feberaayo, 08, 2020 (HOL)-Golaha Aqalka Sare oo maalmihii ugu danbeeyayba dood ka lahaa sharciga Doorashooyinka Qaranka ayaa la filayaa fadhiggooda maanta in ay meelmariyaan sharcigan oo horay ay u soo gudbiyeen xildhibaannada Aqalka Sare.

2/8/2020 1:45 AM EST
Sabti, Feberaayo, 08, 2020 (HOL)-Labadii sibuuc ee la soo dhaafay dowladda Soomaaliya ayaa sheegeysay inay dadaal ugu jirto sidii ay dib gacanta ugu dhigi lahayd wasiirkii Amniga ee maamul goboleedka Jubbaland, Cabdirashiid Xasan Cabdinuur(Janan), kaasoo ay sheegeen inuu ka baxsaday xabsi lagu hayay.