8/9/2020
Today from Hiiraan Online:  _
Wararka Maanta- Khamiis, Feb 13, 2020
Maraykanka oo liiska cunaqabaynta ka saaray shirkaddii xawaaladdii Al-barakaat


 

Khamiis, Feberaayo, 13,2020 (HOL)-Dowladda Mareykanka ayaa arbacadii shalay baabi'isay cuno qabatayntii  saarnayd shirkaddii xawaaladda ee Al-Barakaat, taasoo xayirnayd tan iyo 2001, kadib weeraradii lagu qaaday daarihii mataanaha Maraykanka.

Warbixin kasoo baxday waaxda maaliyadda Maraykanka ayaa lagu sheegay baaritan ay sameeyeen Guddiga weerarkii 9/11, ay ku xaqiijiyeen in aanay helin caddeymo toos ah iyo xiriir kasta oo dhab ah oo ka dhexeeya al-Barakaat iyo argaggixisada nooc kasta ha ahaadee.

Guddiga waxay hadalkan ku sheegeen qoraal kooban oo ku saabsan maalgalinta argagixisada oo la sii daayay, iyagoo tilmaamay inay caddeymo u waayay sheegashooyinka ku saabsan in Bin Ladin uu maalgashi hore ku lahaa al-Barakaat iyo in al-Barakaat qayb ka mid ah lacagteeda lagu maalgaliyay al-Qaida.

Maraykanku wuxuu sheegay Cunaqabateynta la saaray xawaaladda Barakaat in ay saameyn xun ku yeelatay nolosha Soomaalida. Aas aasihii shirkadda Barakaat Axmed Nuur Cali Jimcaale, ayaa isagu liiska cunaqabataynta laga saaray sanadkii 2012-kii.

Wasaaradda Maaliyadda Maraykanka waxay rumeysan tahay in hay'adaha iyo shakhsiyaadka laga saaray cuna qabataynta  ay muddo dheer ka hor joojiyeen inay kaalmeeyaan  bin Ladin, al-Qaida ama koox kale oo argagixiso ah.  Af hayeen u hadlay ayaa sheegay In badan oo kamid ah hay'adahas ay shaqeynin waqtigaan.

Warbixinta guddiga waxaa lagu sheegay in nidaamka xawaaaleed ee Barakaat uu ahaa nidaamka ugu weyn ee ka shaqeeya Soomaaliya, oo ay adeegsadaan Soomaalida ka soo carartay waddankoodii hooyo iyo Qaramada Midoobay si ay ugu gudbiyaan lacago lagu taageerayo howlgalada gargaarka.

Xilliga cunaqabataynta lagusoo rogayay, Al-barakaat waxay lahayd 180 xafiis oo ugu yiilay in ka badan 40 dal, waxaa xilligaas yiilay dhaqaale badan oo ay lahaayeen ummadda Soomaaliyeed, kuwaas oo doonayay in qoysaskooda u diraan .

Abdiweli M. Sheikh, Hiiraan Online
[email protected]









Click here
2/13/2020 3:50 PM EST
Khamiis, Feberaayo, 13,2020 (HOL)- Ururka Qaranka Suxufiyiinta Soomaaliyeed ee NUSOJ iyo Machadka Warbaahinta ee Aljazeera (AJMI) ayaa caasimadda Muqdisho ku soo gabagabeeyay tababar socday muddo 5 maalmood ah oo loo qabtay suxufiyiinta ka howlgalla telefishinnada.

2/13/2020 10:11 AM EST
Khamiis, Febraayo 13, 2020 (HOL )– Somaliland ayaa lagu qabtay tartanka geella ugu caanaha badan Somaliland, taas oo loo sameeyey goob lagu tartansiiyo oo geel badan la iskugu keennay.

2/13/2020 9:30 AM EST
Khamiis, Feberaayo, 13,2020 (HOL)- Shirwaynaha wadatashiga beel-weynta Soomaaliyeed Xawaadle oo socday muddadii u dhexeysay 12-13 Febraayo 2020, laguna qabtay magaalada Muqdisho ayaa lasoo gabagabeeyay.

2/13/2020 9:05 AM EST
Khamiis, Feberaayo, 13,2020 (HOL)- Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo soo xiray Shirka Sanadlaha ah ee Garsoorka dalka ayaa si faahfaahsan u soo bandhigay xiriirka dhow ee ka dhaxeeya cadaaladda, horumarka, amniga iyo midnimada.

2/13/2020 7:54 AM EST
Khamiis, Feberaayo, 13,2020 (HOL)- Madaxweynaha Puntland Siciid Cabdullaahi Deni ayaa maanta qaabilay Taliyaha Guud ee Ciidanka Maraykanka Afrika (Africom) Gen. Stephen J.Townsend iyo wafdi uu hoggoominayo oo booqasho ku tagay Boosaaso.

2/13/2020 5:36 AM EST
Khamiis, Feberaayo, 13, 2020 (HOL)-Kulan ay soo qabanqaabisay Wasaarradda Qorsheynta dowlad gobolleedka Hirshabeelle loogana hadlayay baahiyaha ka jira deegaannada Hirshabeelle ayaa lagu qabtay magaalada Beledweyne ee xarunta gobolka Hiiraan.

2/13/2020 3:11 AM EST
Khamiis, Feberaayo, 13,2020 (HOL) - Hay'adda xuquuqda aadanaha u doodda ee Amnesty International ayaa maanta sheegtay inay sii kordhayaan weerarada, hanjabaada, cagajuglaynta iyo cabsi gelinta shaqaalaha warbaahinta Soomaaliya.

2/13/2020 3:07 AM EST
Khamiis, Feberaayo, 13, 2020 (HOL)Dad gaaraya 242 qof ayaa maalintii kahor ugu dhintay xanuunka Corona gobolka Hubei ee dalka Shiinaha, taas oo ka dhigan tiradii ugu badneyd oo maalin qura cudurka Corona ugu dhimatay dalkaas.

2/13/2020 1:12 AM EST
Khamiis, Feberaayo, 13,2020 (HOL)- Maamul gobolleedka Jubbaland ayaa sheegay in markan uu ka dhamaaday sida ay hadalka u dhigeen dulqaadkii ay u hayeen Cabdinaasir Seeraar Maax iyo Cabdirashiid Xidig oo labaduba sheegtay in ay madaxwweynayaal ka yihiin maamulka Jubbaland.