Wararka Maanta: Isniin, Apr 27, 2020-Madaxweynaha Puntland oo xilkii ka qaaday taliyihii ciidanka booliiska Puntland mid cusubna magacaabay

Madaxweynaha Puntland oo xilkii ka qaaday taliyihii ciidanka booliiska Puntland mid cusubna magacaabay

Isniin, Abril 27, 2020 (HOL) - Madaxweynaha Puntland Siciid Cabdulaahi deni, ayaa xilkii ka qaaday taliyihii ciiddanka booliiska Puntland sareeye gaas Muxiidiin Axmed Muuse iyo labo kamid ah ku xigeenadiisa, sida lagu sheegay wareegto kasoo baxday xafiiska madaxweynaha.

Madaxweyne Deni ayaa kadib taliyaha ciiddanka booliiska u magacaabay S/Guuto Cabdi Xasan Xuseen oo kamid ahaa saraakiisha ciidanka Puntland.

Saraakisha kale ee xilalkoodii waayay waxay kala yihiin, Bile Faarax Cali Taliye ku xigeenka 1aad ee Ciidanka Booliska Puntland iyo G/Sare Axmed Maxamuud Cali (Jeenitaag) Taliye ku xigeenka 3aad ee Ciidanka Booliska.

Ujeedada isbedelkaan loo sameeyay, ayaa ah In dib-u-habeyn lagu sameeyo Taliska Guud ee Ciidanka Booliska Puntland.

Madaxweyne Deni ayaa horey ugu dhaleeceeyay ciidamada booliiska inay wax ka qaban waayeen joojinta Qaadka oo maalin walba lasoo galiyo gudaha Puntland.

Abdiweli M. Sheikh, Hiiraan Online

[email protected]