9/15/2019
Today from Hiiraan Online:  _
Wararka Maanta- Jimco, May 5 , 2019
Zakiya Xuseen: Ciidanka amniga waxay qabteen kayd hub oo al-Shabaab ku fulin lahaayeen weerarro bisha Ramadaan



Axad, May, 05, 2019 (HOL) -  Taliye ku-xigeenka booliska Soomaaliya, Sareeye Guuto  Zakiya Xuseen Axmed ayaa sheegtay ciidanka amniga inay gacanta ku dhigeen kayd hub oo ay al-Shabaab ku lahaayeen degmada Marka ee xarunta gobolka Shabeellaha hoose.

"Howlgal ay ciidanka amniga xalay ka sameeyeen magaalada Marka waxay ku guuleysteen inay helaan kayd ay al-Shabaab  leedahay, halkaas oo ay ka soo saareen 12-xabo miinooyin oo ah kuwa Anti-Taangiga iyo labaatan Kiilo oo Sunta Qaraxyada laga sameeyo ah... Al-Shabaab  waxay doonayeen marka ay bisha barakeysan ee Ramadaan billaabato iney ku howlgalaan kuna waxyeeleeyaan shacabka Soomaaliyeed gaar ahaan shacabka deggan gobolka Banaadir". Sareeye Guuto  Zakiya Xuseen ayaa sida u sheegay warbaahinta.

Ciidammada amniga ayaa gacanta ku soo dhigay labo nin oo 1-dii bishan April ku dilay degmada Waabari Marxuum Cabdullaahi Cali Macow oo ka tirsanaa askarta ilaaladda deegaanka ee loo yaqaanno Minashiibiyada,sida ay sheegtay taliye ku-xigeenka booliska.

"Waxaan uga digeynaa muwaadiniinta gobolka Banaadir inay si fiican uga fiirsadaan iskana hubiyaan dadka ay guriyaha ka kireynayaan, hadda kaddib guriga lagu soo qabto argagixiso ama agab liddi ku ah amniga, waxaa mas'uuliyada qaadaya mulkiilaha iyo dilaalka guriga soo dejiyay". ayay tiri Zakiya Xuseen  oo ugu dambeyn uga mahadcelisay shacabka sida ay ula shaqeynayaan ciidanka amniga.

Iman Mohamed Jama, Hiiraan Online
[email protected]










Click here
5/5/2019 5:19 PM EST
Axad, May, 05, 2019 (HOL) - Madaxweynaha Soomaaliya, Maxamed Cabdullaahi Farmaajo iyo ra'iisul wasaaraha dalka Itoobiya , Abiy Axmed ayaa mar iskudayay inay si wadajr ah uga dagaan magaalada Hargeysa ee xarunta Soomaaliland, laakin taas ma dhicin.

5/5/2019 5:15 PM EST
Axad, May, 05, 2019 (HOL) - Madaxweynaha Soomaaliya, Maxamed Cabdullaahi Farmaajo ayaa ugu hambalyeeyay dadka islaamka ah, gaar ahaan shacabka Soomaaliyeed bilashadda bisha barakaysan ee Ramadaan.

5/5/2019 5:01 PM EST
Axad, May, 05, 2019 (HOL) - Dowladda Soomaaliya ayaa caawa shaacisay in Isniinta berri ah ay tahay maalinta koowaad ee bisha barakaysan ee Ramadaan.

5/5/2019 1:58 PM EST
Axad, May, 05, 2019 (HOL) - Ra’iisul Wasaaraha xukuumadda federaalka Soomaaliya ,Xasan Cali Khayre ayaa ummadda Soomaaliyeed ugu hambalyeeyay bilashada Bisha barakaysan ee Ramadaan.

5/5/2019 1:51 PM EST
Axad, May, 05, 2019 (HOL) - Wasiirka Qorsheynta Xukuumadda Federaalka Soomaaliya iyo Wasiiradda Qorsheynta dowlad-gobolleedyada dalka ayaa maanta uga furmay Magaalada Garoowe shirka Golaha Horumarinta Qaranka (GHQ), iyada oo uu shir-guddoominiyay Wasiirka Qorsheynta Federalka , Jamal Maxamed Xasan.

5/5/2019 12:49 PM EST
Axad, May 05, 2019 (HOL)- Madaxweynihii hore ee dalka Nayjeeriya Olusegun Obasanjo ayaa maanta booqasho ku yimid Hargeysa, waxaaana loo sameeyey qaddo ay ka soo qaybgaleen madaxweyne Biixi , hogaamiyeyaasha asxaabta.

5/5/2019 11:50 AM EST
Axad, May, 05, 2019 (HOL)- Wasiir ku xigeenka wasaarada Amniga qaranka Xildhiban Abdinasir Said Muse (Bahaay) oo maalmahan ku sugnaa dalka Mareykanka ayaa soo gaaray magalaada Columbus Ohio Waxaana habaynimadii xalay uu kulan la qaatay Jaaliyadda

5/5/2019 10:44 AM EST
Axad, May, 05, 2019 (HOL) - Maxkamadda racfaanka gobolka Banaadir ayaa maanta go'aan ka gaartay dacwad loo heystay mas'uuliyiin ka tirsan dekedda Muqdisho iyo eedeysanayaal.

5/5/2019 10:34 AM EST
Axad, May, 05, 2019 (HOL) - Ugu yaraan shan ruux ayaa la sheegay inay ku geeryootay dad kalana ay ku dhaawacmeen miino dhulka lagu aasay oo ku qaraxday Bus ay saarnaayeen dad shacab ah duleedka magaalada Afgooye ee gobolka Shabeellaha hoose.

5/5/2019 6:04 AM EST
Axad, May, 05, 2019 (HOL) - Shir wadatashi ah oo u dhaxeeya dowladda federaalka iyo dowlad-gobolleedyada ayaa goor dhow ka furmay magaalada Garoowe ee xarunta Puntland.

5/5/2019 5:52 AM EST
Axad, May, 05, 2019 (HOL) - Guddoomiyaha gobolka Banaadir ahna duqa caasimadda Muqdisho,Cabdiraxmaan Cismaan Cumar (Injineer Yariisow) ayaa gaaray magaalada Garoowe ee xarunta Puntland, halkaa oo ugu qeybgalayo shirka wada-tashiga ee dowladda federaalka iyo dowlad-gobolleedyada.

5/5/2019 5:35 AM EST
Axad, May, 05, 2019 (HOL) - Ururka Midowga Yurub ayaa diyaarinaya shirweyne gobolleed looga hadlayo dhaqaalaha dalalka bariga Afrika si loo xoojiyo nabadda iyo horumarinta ee gobolka.

5/5/2019 2:54 AM EST
Axad, May, 05, 2019 (HOL) - Milateriga Soomaaliya iyo dagaalyahanno ka tirsan ururka al-Shabaab ayaa xalay ku dagaallamay deegaanka Bariire ee gobolka Shabeellaha Hoose, sida ay ku warrantay warbaahinta gudaha.

5/5/2019 2:38 AM EST
Axad, May, 05, 2019 (HOL) - Ra'iisul wasaaraha Soomaaliya, Xasan Cali Khayre oo ku sugan magaalada Garoowe ayaa la kulmay madaxweynaha dowlad-gobolleedka Galmudug, Axmed Ducaale Geelle Xaaf iyo mas'uuliyiin ka tirsan maamulka.

5/5/2019 2:28 AM EST
Axad, May, 05, 2019 (HOL) - Booliska Soomaaliya ayaa howlgallo ka sameeyay xaafaddo ka tirsan degmada Xamar weyne ee Gobolka Banaadir,sida laga soo xigtay saraakiisha.

5/5/2019 2:20 AM EST
Axad, May, 05, 2019 (HOL) - Xildhibaannada golaha Aqalka sare ee Somaaliya ayaa lagu wadaa inay magaalada Muqdisho ku yeeshan kilankoodii 4 aad ee kalfadhiga shanaad.

5/5/2019 2:06 AM EST
Axad, May, 05, 2019 (HOL) - Dalladda Ururada Bulshada rayidka Puntland ee PUNSA ayaa warsaxafadeed ay ka soo saartay xalay wada-hadalka la filayo in maanta uu uga furmo magaalada Garoowe madaxda dawladda Federaalka iyo kuwa maamul-goballeedyada ugu baaqday in ay ku xalliyan arrimaha lagu kala fogyahay.

5/5/2019 1:36 AM EST
Axad, May, 05, 2019 (HOL) - Maanta ayaa lagu wadaa in magalada Garoowe uu shir wadatashi ah uga furmo madaxda ugu sareysa Dowladda Federaalka Soomaaliya iyo Madaxda Dowlad Goboleedyada Xubnaha ka ah dowladda Federaalka.