Axad, May, 05, 2019 (HOL)- Wasiir ku xigeenka wasaarada
Amniga qaranka Xildhiban Abdinasir Said Muse (Bahaay) oo maalmahan ku sugnaa
dalka Mareykanka ayaa soo gaaray magalaada Columbus Ohio Waxaana
habaynimadii xalay uu kulan la qaatay Jaaliyadda
Kulankan oo ahaa
mid xog wareysi soo dhaweyn iyo fikir gudbin ku salaysnaa waxaa soo abaabulay
dhalinyarada reer Columbus iyada oo ay ka soo qeyb galeen qeybaha bulshada
Dadkii ka hadlay
kulankan oo aad u badnaa waxa ay wasiirka wax ka weydiiyeen arimaha Amniga Dalka
gaar ahaan Caasimadda, Qaraxyada, Qilaafaadka, Siyaasada, Isbadalka dalka,
Ciidamada iyo dhinacyo kale oo baddan waxa uuna wasiirku warbixin dheer ka
siiyay Jaaliyadda Marxaladihii dalka iyo halka la marayo
Wasiirka ayaa oo
ku dheeraaday arimaha Amniga waxa uu xusay in amniga dalka uu ka soo raynayo
iyada oo ay jireen caqabado baddan oo dhanka amniga ka jiray waxa uuna farta ku
fiiqay dib u habayntii lagu sameeyay ciidamada oo muhiimad weyn u lahaa qaranka
in la hubiyo ciidanka u shaqeeya dowladda iyo kuwa aan u shaqeeyn
Wasiir ayaa jaaliyadda ku booriyay in ay is garab taagaan
Dowladnimada isla markaana il gooniya ku eegaan cawimaada Ciidanka iyo
dhiirogalintooda iyada oo laga qeyb qaadanayo dib u dhiska xerooyinka ciidanka
si isku tashi dhexdeena ah.
Muhiimada ay Qurbojoogtu u leedahay soo kabashada dalka
ayuu ku tilmaamay mid aan la qarinkarin dhanka kalana loo bahanyahay in la sii
laba jibaaro
Wasiirka oo
dhinacyo badan oo ku saabsan xaalada dalka ka warbixinayay ayaa wax laga
weydiiyay in ay jirto wax wada hadal ah oo ay dowladu u fidisay Ururka
alshabaab si loo so afjaro mushkilada amni xumo ee dalka ka jirta, waxa uuna
wasiirku sheegay in dhoowr jeer ay isku dayeen walina ay u fidsantahay gogosha
wada hadal, ayada oo dhanka kale ay isa soo dhiibeen xubno baddan oo ka tirsan
hadana wali waan u bahanahay in wiilasheena la qalday ay dib u soo laabtaan
ayuu yiri wasiirku.
Waxa uu kulamo
gooni gooni ah la yeelan doonaa malmahan qeybaha kala duwan ee bulshada isaga
oo kala hadli doona in la is garab taago ciidamada oo xiligan ay dowladdu
bixiso mushaaraad kooda.
