7/18/2019
Today from Hiiraan Online:  _
Wararka Maanta- Arbaco, Mar 13, 2019
Al-shabaab oo sanadkan oo kaliya duqeymo looga dilay 244 dagaalyahan


 

Arbaco, Maarso, 13, 2019 (HOL)- Taliska Mareykanka ee Africom ayaa sheegay in sanadkan oo kaliya 25 duqeymo cirka oo ay ka geysteen Soomaaliya Al-shabaab looga dilay 244 dagaalyahan.

Waxaa ugu danbeeyay weerar shalay Mareykanku ka geysteen deegaanno ka tirsan gobolka Shabeellaha hoose oo talisku sheegay in ay ku dileen 8 ka tirsan dagaalyahannada Al-shabaab, iyaga oo meesha ka saaray in dhinacooda wax khasaare ah oo uu soo gaaray.

Duqeymihii ugu danbeeyay ee diyaaradaha Mareykanku geystaan ayaa sidoo kale ka dhacay qeybo ka mid ah gobolka Hiiraan oo lagu dilay diro ka badan 50 xubnood oo ka tirsanaa Al-shabaab.

Mareykanka waxaa Soomaaliya ka jooga ciidamo iyo saraakiisha militari oo gacan ka siiya dowladda Soomaaliya dagaalka ka dhanka ah Al-shabaab, sanadihii ugu danbeeyayna waxaa ay xoojiyeen duqeymaha lagu bartilmaameedsado xarumaha ay degan yihiin xoogagga iyo saraakiisha Ururkan dagaal kula jira dowladda Soomaaliya iyo ciidamada taageeera.

C/raxmaan Diini, Hiiraan Online
[email protected] 










Click here
3/13/2019 12:13 PM EST
Arbaco, Maarso, 13, 2019 (HOL)-Deegaanka Goofguduud oo qiyaastii 30km u jira magaalada Baydhabo ayaa lagu soo waramayaa in maanta ay ku dhaceen qaraxyo sababay khasaare dhimasho iyo dhaawacba leh.

3/13/2019 6:49 AM EST
Arbaco, Maarso, 13, 2019 (HOL)- Maxkamadda shaqaalaha ee London ayaa dhageysanaysa dacwad uu soo gudbiyay 79 jir Soomaali ah oo muddo kala kulmayay bahdil diblomaasi Qadari ah.

3/13/2019 6:10 AM EST
Arbaco, Maarso, 13, 2019 (HOL)- Madaxweynaha Puntland, Siciid Cabdullaahi Deni ayaa maalintii labaad shir guddoomiyey shirka Jihaynta Siyaasadda xukuumadda cusub ee Puntland.

3/13/2019 6:02 AM EST
Arbaco, Maarso, 13, 2019 (HOL)- Ugu yaraan lix qof ayaa ku dhintay tiro kalana waa ay ku dhaawacmeen iska hor'imaad saakay ka dhacay dulleedka waqooyi ee magaalada Gaalkacyo, sida ay xaqiijiyeen dadka deegaanka.

3/13/2019 5:37 AM EST
Arbaco,Maarso, 13, 2019 (HOL)-Xaruntan oo noqoneysa tii ugu horeysay ee nooceeda ah laguna daweeyo dadka qaba xannuunka dhimirka ayaa laga hergaliyay qeyb ka mid ah Isbitaalka guud ee magaalada Beledweyne

3/13/2019 2:20 AM EST
Arbaco, Maarso, 13, 2019 (HOL)- Dowladda Soomaaliya ayaa markii ugu horeysay sheegtay in ay garoomadeeda ka mamnuucday in ay isticmaalaan diyaaradaha duqoobay ee lagu farsameeyo wadankii la oran jiray midowga Soofiyeeti.

3/13/2019 1:22 AM EST
Arbaco, Maarso, 13, 2019 (HOL)-Madaxweynaha Jamhuuriyadda Soomaaliya Maxamed Cabdullaahi Farmaajo oo ku sugan dalka Uganda ayaa ka qeyb galaya Shirka Africa Now ee ka socda dalkaas,kaas oo looga hadlayo arrimaha nabadgelyada, isdhexgalka iyo koboca dhaqaalaha ee Qaaradda Afrika.