4/24/2019
Today from Hiiraan Online:  _
Wararka Maanta- Isniin, Mar 11, 2019
Madaxweyne Farmaajo oo u dhoofay dalka Uganda


 

Isniin, Maarso, 11, 2019 (HOL)- Madaxweynaha dowladda Soomaaliya Maxamed Cabdullaahi Farmaajo ayaa galinkii danbe ee maanta u dhoofay magaalada Kampala ee dalka Uganda.

Socdaalka madaxweynaha ayaa lagu sheegay in uu halkaa uga qeybgali doono shir madaxda qaarrada ay ku yeelanayaan magaalada Kampala.

Madaxweynaha ayaa sidoo kale kulan la yeelan doona dhiggiisa dalka Uganda Yoweri Moseveni oo dhowr jeer oo hore jeediyay hadalo caro-galiyay dowladda Soomaaliya, waxaana ugu danbeeyay hadal uu madaxweynuhu ku sheegay in Soomaaliya looga baahan yahay askarta aqlaaqda xun.

Sidoo kale waxaa xusid mudan in Moseveni uu ku dhawaaqay in ciidamadiisa uu kala bixin doono dalka Soomaaliya, haddii leysku dayo in xitaa hal askari oo ka tirsan ciidamadiisa laga soo saaro Soomaaliya.

Madaxweyne Farmaajo ayaa bilihii ugu danbeeyay galay safaradii ugu badnaa, waxaana uu dhawaan isku maray dalalka Itoobiya iyo Kenya, isaga oo magaalada Nairobi kula kulmay madaxweynaha Kenya Uhuru Kenyatta

C/raxmaan Diini, Hiiraan Online
[email protected]

 







Click here
3/11/2019 4:52 PM EST
Isniin, Maarso, 11, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo iyo wafdi uu hoggaaminayo ayaa caawa gaaray magaalada Kampala,kaddib casuumad uu ka helay madaxweynaha dalka Uganda.

3/11/2019 9:49 AM EST
Isniin, Maarso, 11, 2019 (HOL)- Waxaa magaalada Godey ee Degaanka Soomaalida saaka ka furmay shirwayne ay yeelanayaan odayaal dhaqameedka degaanka iyo xukuumadda Dawladda Degaanka Soomaalida.

3/11/2019 9:43 AM EST
Isniin, Maarso 11, 2019 (HOL)- Xukuumaddda iyo xisbiyadda mucaaradka ah ayaa si gooni gooni uga tacsiyadeeyey Itoobiya dadkii ku geeriyooday iyo diyaaradoodii ku burburtay, waxaanay maanta soo saxeen buugii tacsiyadda ee la dhigay xafiiska itoobiya ku leedahay Hargeysa.

3/11/2019 9:16 AM EST
Isniin, Maarso, 11, 2019 (HOL) - Ku-xigeenka ergayga gaarka ee Midowga Africa ee hawlgalka AMISOM, Simom Mulongo ayaa xaqiijiyey in ay ku-simihii taliyaha Police-ka ee AMISOM Kiristiine Alalo ay ku geeriyootay duulimaadkii B737 ee Ethiopian Airlines ee shalay bur-burtay.

3/11/2019 8:52 AM EST
Isniin, Maarso, 11, 2019 (HOL)– Dad aad utiro badan ayaa maanta isugu tagay garoonka diyaaradaha magaalada Kismaayo, kuwaa oo isugu jiray masuuliyiinta dowlad goboleedka Jubbaland ....

3/11/2019 5:50 AM EST
Isniin, Maarso, 11, 2019 (HOL) – Doodan oo ay qayb ka ahaayeen Xildhibaan Fowzia Yusuf Xaaji Adan cilmi wasiirkii hore wasaaradda Arimaha dibadda, Dr. Abdirahman M. Abdullahi (Baadiyow)- aqooyahan, qoraa, Robert Kluijver Macalin ka tirsan Paris Institute of Political Studies: Sciences Pro, Jaamacadda SIU-na cashiro ka bixiya.

3/11/2019 5:02 AM EST
Isniin, Maarso, 11, 2019 (HOL) – Guddoomiyaha Gobolka Banaadir ahna duqa Muqdisho Eng, C/raxmaan Cumar Cismaan Yariisow ayaa shir jaraa’id uu ku qabtay magaalada Muqdisho waxa uu amray in laga guuro Xaruntii Ciidamada Badda Ex Mariino & Gurigii Taliyaha Ciidamada Badda oo ku yaalla degmada Cabdul Casiis ee Gobolka Banaadir.

3/11/2019 2:51 AM EST
Isniin, Maarso, 11, 2019 (HOL)–Ciidamada dowladda Soomaaliya ayaa habeennimadii xalay ku qabtay magaalada Muqdisho Nin xirnaa dharka Dumarka, waxaana gaar ahaan Ninkan laga soo qabtay degmada Kaaraan.

3/11/2019 1:49 AM EST
Isniin, Maarso, 11, 2019 (HOL)– War ka soo baxay Qaramada Midoobey ayaa lagu sheegay in 19 ka mid ah shaqaalaheeda ay ku dhinteen burburka diyaaradii Ethiopian Airlines ee bur burtay maalintii shalay.

3/11/2019 12:49 AM EST
Isniin, Maarso, 11, 2019 (HOL)-Mudane Xasan Cali Khayre, Raysul wasaaraha dalka ayaa la filayaa in uu maanta soo gaaro magaalada Kismaayo, kadib mudo dheer oo laga sugayay in uu yimaado Kismaayo.