Dood ku saabsan natiijada fara-galinta shisheeye ee Soomaaliya oo ay qabatay Jaamacada SIU
Isniin, Maarso, 11, 2019 (HOL)
– Doodan oo ay qayb ka ahaayeen Xildhibaan Fowzia Yusuf Xaaji Adan cilmi
wasiirkii hore wasaaradda Arimaha dibadda, Dr.
Abdirahman M. Abdullahi (Baadiyow)- aqooyahan, qoraa, Robert Kluijver Macalin ka
tirsan Paris Institute of Political Studies: Sciences Pro, Jaamacadda
SIU-na cashiro ka bixiya.
Waxaa doodda dadkii ka
qeybgalay ka mid aha Dr Ahmed Cali Khaire Aqoonyahan sharaciga caalamiga ah
(International Law, Phd), Sheekha Bashiir Ahmed Salaad-Guddoomiyaha Daladda
Culumada Soomaaliyeed.
Doodan ayaa xoogga lagu saaray
mowduucyda ay ka mid yihiin: saamaynta fara-galinta shesheeye, dhismaha ciidan
qaran oo gacanta ku dhiga amniga dalka.
Sidoo kale, waxaa lagaga
hadlay dooda Arimo ay ka mid-yihiin nidaamka Federaalka ah iyo dib u eegida
dastuurka, suurtagalnimada doorasho hal qof iyo hal cod.
Guddoomiyaha Jaamacadda SIU
Osmaan Macalin Xassan oo dooda furay ayaa soo dhaweyn u sameeyay ka soo
qaybgalayaasha oo ay ka mid ahaayeen jaamacaddaha dalka, bulshada rayidka iyo
haldoorka dhalinyarda oo dooda ka soo qaybgal.
Dood dheer kadib, waxaa la
isla gartay in Soomaliddu ciidan amniga gacanta ku dhiga ay samaysan karto
haddii la helo hoggaan ka baxsan dano shaqsi, mid qabiil iyo mid kooxeedba.
Dhinaca kalna laga shaqeeyo in la badalo dhaqan siyaaasadeedka dalka la dagay.
Agaasimaha waxaada tacliinta
sare ee wasaaradda waxbarashadd Ismaciil Yuusuf Cusman oo dooda soo xiray ayaa
sheegay in doodaha noocan oo kala ah ay yihiin kuwa looga fardhiyo jaamacaddaha
dalka si la isku waydiiyo su’aalo xal keeni kara.
“ Waad u jeeddaan sida muddo
dheer kaddib wali ay dadka u rabbaan in ay su’aalo waydiiyaan aqooyahanda dooda
fadhiya. Sidaas darteed, hala wado doodahan wax dhisiya” Agaasima Ismaaciil.
Soomaaliya laga soo bilaabo ilaa 1991 ma aysan helin dowlad hanata dhammaan amniga iyo
kala danbaynta dalka., waxaana ku sugan ciidamo ka kala socda Qaarrada Africa
kuwaa oo dowladda gacan ka siiya sugida
amniga.
Abdisalan Nor Dirie ,
Hiiraan Online
[email protected]