Qof loo soo xiray dilka gabar meydkeeda laga helay hoteel ku yaala magaalada Muqdisho
Axad, June, 30, 2019
(HOL) – Taliska ciidamada Boooliiska Soomaaliyeed ayaa sheegay in la xiray qof
ku eedeysan in uu ka danbeeyay dilka Suleeqo Yuusuf Axmed dhawaan meydkeeda
laga helay hotel Caamir ee magaalada Muqdisho.
Taliye ku-xigeenka
ciidamada Booliiska Soomaaliyeed Jen Zakiya Xusseen Axmed ayaa warbaahinta u
sheegtay in kiiska dilka gabadhan loo soo xiray qof magaciisa lagu sheegay
Bishaar Cabdirisaaq Maxamed.
“Ciidamada
Boliiska gaar ahaan hoggaanka demibaarista CID ayaa ku guuleystay in ay gacanta
ku soo dhigaan edeeysane Bishar Cabdirisaaq Maxamed kaa oo ku eedeeysan dilka
marxuumada Suleeqo Yusuf Axmed falkaas oo dhowr cisho ka hor ka dhacay Hotel
Caamir oo ku yaal degmada Howlwadaag.
Suleeqa
ayaa la sheegay in aheyd 28 sano jir afar carruur ah heysatay waxaana la
sheegay in qofkan loo soo qabtay dilkeeda uu xiriir hore kala dhaxeeyay kuna
balansanaayeen hoteelka.
Dad
ay isku dhawaayeen marxuumada ayaa sheegay in ay ka war hayeen in gabadhan ay
aaday hoteelka kuna war-galisay in ay kula balansan tahay qofkan la qabtay oo
ay xiriir hore lahaayeen.
Taliska
Booliiska ma uusan bixin faah faahintaa ka badan oo la xiriira kiiska dilka
gabadhan la sheegay in meydkeeda laga helay mid ka mid ah hoteellada Muqdisho.
C/raxmaan Diini, Hiiraan Online
[email protected]
