Wararka Maanta: Sabti, Aug 31, 2019-Dhagaxbuur oo maanta lagu caleema saarayo Garaadka Beelwaynta reer Isaaq

Dhagaxbuur oo maanta lagu caleema saarayo Garaadka Beelwaynta reer Isaaq

Sabti, Augusto, 31,, 2019 (HOL)-Magaalada Dhagaxbuur ee Gobolka Jarar waxaa maanta lagu caleema saarayaa Garaadka Beelwaynta Ree Isaaq Garaad Bashiir Garaad Axmed Garaad Makhtal Daahir, Caleema saarkan ayaa waxaa kasoo qayb galay dad aad u badan oo isugu jira Odayaal dhaqameedka degaanka, Mas'uuliyiinta dawladda, Madax sare oo ka tirsan Ururka ONLF iyo marti sharaf kale.

Haddaba Garaad Bashiir oo saaka caleema saarkiisu ka dhacayo magaalada Dhagaxbuur ayaa jawiga guud ee magaaladu saaka yahay mid deggan isla markaana dadku wajiyadoodu yihiin mid farxad badani ka muuqato.

Garaad Bashiir Garaad Axmed Garaad Makhtal Daahir ayaa ahaa nin xilliyadii degaanka iyo dalkuba dhibaatada ku jiray ku noolaa dalka Kanada isagoo xilligii dambe ku jiri jiray Jeelasha Itoobiya, wuxuuna xorriyadiisa helay intii isbaddalku dalka iyo degaanka ka dhacay, taas oo sababtay in si xorriyad ah oon cabsi lahayn loogu caano shubo magaalada Dhagaxbuur.

C/raxmaan Diini, Hiiraan Online
[email protected]