Wasiir Cawad’’ Puntland waan isku fahmi weynay arinta doorashadii ka dhacday Jubbaland
Arbaco, October, 09, 2019 (HOL)-
Wasiirka Wasaaradda Arrimaha Dibadda Xukuumadda Soomaaliya Axmed Ciise Cawad oo
faah faahin dheeraad ah ka bixiyay waxa ka soo baxay wadahadal magaalada
Boosaaso ay kula yeesheen isaga iyo wafdi heer Wasiirro ahaa oo ka socday
Dowladda Federaalka madaxweynaha Puntland Saciid Cabdullaahi Deni.
Wasiir Cawad ayaa sheegay in
socdaalkoodu uu salka ku hayay sidii loo dhameyn lahaa khilaafka Dowladda dhexe
ee Federaalka iyo Puntland, isaga oo si gaar ah ugu mahad celiyay marka hore
madaxweynaha dowladda Soomaaliya Maxamed Cabdullaahi Farmaajo iyo Ra’iisal
Wasaare Xassan Cali Kheyre oo sida uu hadalka ku daalaya sidii loo dhameyn
lahaa khilaafka kala dhaxeeya Puntland.
‘’Intii aan ku sugneyn Boosaaso
waxaan kulamo la qadannay madaxweynaha Puntland Saciid Cabdullaahi Deni iyo mas’uuliyiinta
maamulkiisa, runtii aad bey noo soo dhaweeyeen, weyna naga aqbaleen fariintii
aynu sidey ee aheyd in la dhameeyo khilaafka, intii aan wada hadalada ku jirnay
waxaa sheekada soo gashay arinta Jubbaland iyo doorashadii ka dhacday, runtii
aad beynu ugu kala duwannaanay arinkaa, oo aan annagu ka aaminsannahay mowqifka
ay xukuumaddu ka qaadatay oo aad ogtihiin’’ ayuu yiri Wasiir Cawad.
Wasiirka ayaa sheegay in maamulka
iyo shacabka reer Puntland intaba aysan ku faraxsanneyn khilaafka jira oo ay u
arkaan sida uu hadalka u dhigay mid u dhac mar walba keenaya.
Warar soo baxaya ayaa sheegaya in
wafdi uu horkacayo madaxweynaha dowlad gobolleedka Puntland maalinta berri ah
ku sii jeedaan magaalada Kismaayo ee xarunta KMG u ah maamulka Jubbaland, iyaga doonaya in ay
halkaa uga qeybgalaan munaasabada caleemo saarka madaxweyne Axmed Maxamed
Islaam [Axmed Madoobe]
C/raxmaan Diini, Hiiraan Online
[email protected]