3/29/2024
Today from Hiiraan Online:  _
Wararka Maanta- Talaado, Oct 8 , 2019
Guddoomiyaha gobolka Hiiraan oo ku baxay xalinta xiisad u dhaxeysa ciidamada AMISOM iyo Booliiska Hirshabeelle

 

Talaado, October, 08, 2019 (HOL)-Guddoomiyaha Gobolka Hiiraan Cali Maxamed Caraale iyo Wafdi uu hoggaaminayo ayaa u ambabaxay degmada Jalalaqsi ee Gobolka Hiiraan halkaa oo dhawaan ay ku dagaalameen ciidamada Jabuuti iyo kuwa howlgalka midowga Africa AMISOM.

Degmada Jalalaqsi ayaa waxaa dhawaan ku dagaalamay ciidamada Jabuuti  oo k amid ah AMISOM iyo ciidamada Booliska degmadaas, kaddib markii ay isku  khilaafeen in hawada laga saaro subaxdii hore Isgaarsiinta magaalada xilli ciidamada AMISOM ay howlgal miino baaris ah fulinayeen.

Ciidamada Jabuuti ayaa la wareegay dhamaanba xarumihii maamulka degmada iyaga oo sidoo kalana la sheegay in ay baad-goob ku hayaan saraakiil ka tirsan ciidanka Hirshabeelle oo ay ku eedeeyeen in ay ka danbeeyeen iska horimaadka dhacay.

Guddoomiyaha Gobolka Hiiraan Cali Maxamed Caraale ayaa markii uu tago Jalalaqsi waxaa uu kulamo la qaadan doonaa Saraakiisha Ciidamada Jabuuti ee AMISOM iyo Mas’uuliyiinta Maamulka degmada si loo xaliyo shaqaaqadii dhex-martay.

iska horimaadka Jalalaqsi ayaa noqonaya kii ugu horeeyay ee dhaxmaray ciidamada AMISOM iyo kuwa dowlad gobolleedka Hirshabeelle oo iska kaashanaya dagaalka ka dhanka ah Al-shabaab.

 C/raxmaan Diini, Hiiraan Online
[email protected]

 

 

 













Click here
10/8/2019 2:18 PM EST
Talaado, October, 08, 2019 (HOL)- Dowlada Jarmalka ayaa ugu deeqday dowlada federaalka Soomaaliya 73-Milyan oo Dollar, lacagtan ayaana lagu taageeri doonaa ama qeyb ka noqoneysa gargaarka calaamiga ah ee Banni’daanimo iyo guud ahaan mashaariicda hormarineed ee ka jira gudaha dalka Soomaaliya.

10/8/2019 2:03 PM EST
Talaado, October, 08, 2019 (HOL)- Guddoomiyaha guddiga Doorashooyinka Madaxa-bannaan ee Soomaaliya Xaliimo Ismaaciil [Xaliimo Yareey] oo maanta shir jaraa’id ku qabtay magaalada Muqdisho ayaa sheegay inta in muddo dheer kaddib ay ku adkaatay in guddigu sii dhax shaqeeyo xafiisyada ku dhax-yaala madaxtooyada Soomaaliya.

10/8/2019 11:05 AM EST
Talaado, October, 08, 2019 (HOL)-Egeyga gaar ah ee Qarramada Midoobey ee Soomaaliya James Swan ayaa booqday xarunta maamulka gobolka Banaadir halkaa oo uu kulan kula qaatay guddoomiyaha gobolka Banaadir Cumar Maxamuud Filish

10/8/2019 9:00 AM EST
Talaado, October, 08, 2019 (HOL)-Cabdi Ladif Dahir oo ah Joornaliste Soomaaliyeed ayaa loo magacaabay in uu noqdo Wariyaha Wakaalada New York Times uga soo waramaya Bariga Africa, isaga oo fadhiggiisu noqonayo magalada Nairobi ee dalka Kenya.

10/8/2019 8:16 AM EST
Talaado, October, 08, 2019 (HOL)-Madaxweynaha Soomaaliya Maxamed Cabdullaahi Farmaajo oo dhambaal u diray madaxweynaha dalka Jabuuti Ismaaciil Cumar Geelle, ayaa uga tacsiyeeyay geerida ku timid, Alle ha u naxariistee marxuum Sacad Cumar Geelle oo ahaa madaxwyenaha walaalkii

10/8/2019 3:03 AM EST
Talaado, October, 08, 2019 (HOL)- Wararka naga soo gaaraya degmada Buula-burte ee gobolka HIiraan ayaa sheegaya in saakay halkaa ay ka jirto xiisad ka dhalatay xil ka qaadis lagu sameeyay guddoomiyihii iyo Duqii degmada Buula-burte.

10/8/2019 2:51 AM EST
Talaado, October, 08, 2019 (HOL)- Madaxweyne ku-xigeenka Dowlad gobolleedka Jubbaland Maxamuud Siyad Aadan ayaa sheegay in kacdoon shacab uu ka dhalan karo sida uu hadalka u dhigay cadaadiska Dowladda Federaalka ay ku heyso Jubbaland.

10/8/2019 2:22 AM EST
Talaado, October, 08, 2019 (HOL)- Ilhan Omar oo ah Gabar Asalkeedu Somalia yahay oo ka tirsan Aqalka Looga arrimiyo dalka Mareykanka ee[ Congress-ka] ayaa dacwad furiin oo ka dhan ah Seygeeda Axmed Xirsi u gudbisay Maxkamad ku taala gobolka Minnesota ee dalka Mareykanka.

10/8/2019 1:31 AM EST
Talaado, October, 08, 2019 (HOL)-Guddoomiyaha gobolka Alberta ee dalka Canada Jason Kenney oo booqasho ku jooga gobolka Ontario ayaa kulan uu ku taageerayo musharax Cabdul Cabdi ku qabtay magaalada Ottawa ee dalka Kanada.