Ku dhawaad 20 ruux oo ku dhimatay Fatahaadda Wabiga Shabeelle ee magaalada Beledweyne
Arbaco, October, 30, 2019 (HOL)- Wali waxaa magaalada Beledweyne ka soconaya baadigoobka loogu jiro meydadkii dadkii ku dhintay dadaadka ku soo rogmaday magaalada iyadoo meydad hor leh laga soo saarayo biyaha
Dadka meydadkooda laga soo saarayo biyaha ayaan aheyn oo kaliya kuwii la socday Doontii gadoontay, balse waxaa ku jira dad siyaabo kala duwan uu daadku u qaaday kuwaa oo la sheegay intooda badan biyaha uga soo dhacay waddada ugu halista badan xaafadda Xaawo Taako gaar ahaan Aaga Buundo-Koowaad oo uu maro Toogga ugu weyn ee biyaha ku dara Wabiga Shabeelle.
Qof ka tirsan shaqaalaha gurmadka ayaa Hiiraan Online u sheegay in dadka ku dhintay biyaha ku dhaw yihiin 20 yihiin ruux madaama ay jiraan dad siyaabo kala duwan daadku u qaaday oo xitaa ay ku jiraan carruur yaryar.
Maalintii shalay ayaa waxaa la aasay meydadka ilaa 5 ruux oo ka mid ahaa dadkii la socday Doontii Subaxnimadii Isniinta ku gadoontay biyaha Wabiga.
Waa
fatahaadii ugu cusleyd uguna saameynta badneyd ee taariikhda inta la xasuusto
soo marta magaalada Beledweyne ee xarunta gobolka Hiiraan, sida ay Hiiraan
Online u sheegeen dadkii muddada dheer u soo joogay Fatahaaddihii gobolka soo
maray.
C/raxmaan Diini, Hiiraan Online
[email protected]