Taliska Ciidanka Booliska Somaliland oo ka hadlay weerar saaka lagu qaaday saldhiga magaalada Boorama
Isniin, October, 28, 2019 (HOL)-Taliye ku xigeenka ciidanka Booliska Somaliland Sareeyo Guuto Faarax Maxamed Mire ayaa sheegay in koox qaswadayaal ahi weerar ku soo qaadeen saaka waaberigii saldhiga magaaladda Boorama,kuwaas oo markii dambe u baxsaday xuduudda Itoobiya.
Taliye ku xigeenku waxa uu xusay
inay qaar ka qabteen, halka kuwii kale ilaa xadka Itoobiya baacsadeen, waxaanu
sheegay in hadda magaaladda iyo gobolku amnigiisu sugan yahay.
“Saakay waaberigii koox yar oo
qaswadayaal ah ayaa rasaas ku soo riday saldhiga dhexe ee Boorama, ciidanada
booliska ayaa ka hor tagay oo eryaday oo ilaa xuduudda Itoobiya galeen aan ka
soo hadhin, imikana waa nabad gobolku”ayuu yidhi taliye Mirre.
Taliye ku xigeenku waxa uu
sheegay inay qaar ka mid ah dableydaasi laga soo qabtay, kuwii kale ku daba
jiraan, waxa kale oo uu sheegay in aanay jirin wax khasaare oo halkaasi ka
dhacay.
Dhinaca kale, Suldaan Weber oo
hore isagu u aasay jabhad ka soo horjeedda Somaliland, ayaa hadda sheegtay
weerarkaasi, waxaanu xusay inuu sii waddi doonno.
Barkhad-ladiif M. Cumar, Hiiraan Online
[email protected]
Hargeysa, Somaliland.
