Hargeysa oo labo maalmood uusan Qaad iman sababo la xiriira rabshadaha ka jira deegaanka Oromada
Sabti, October 26, 2019 (HOL )–Labaddii cisho ee u dambeeyey magaalooyinka Somaliland ayaa waxa ka dhacay jaad la’aan ka dib markii qoomiiyada Oromiya rabshado ka dhaceen oo la xidhay jidadkii magaalooyinkoodda soo galayey iyo kuwii ka baxayey.
Maalmaha jaadku maqnaa waxa
wadooyinka lagu arkayey dad faro badan oo iskugu soo baxay jaad la’aanta,
kuwaas oo suuqyadii kala xidhay,isla markaana qaylo iyo buuq loo mari la’aa
wadooyinka, halka qaarkoodna dadka dariiqyada maraya ku qaylinayeen, iyagoo
maararow iyo wakhti lumis ka dhiganaya.
Sidoo kale, jaad la’aanta
Hargeysa waxa laga dareemay hoteelada Cuntadda oo la camirey oo dakhli badan
soo galeen, waxaanay halkii Qaadka galiyeen cunto, taas oo macaash badan ka
heleen hoteeladii labadi cisho, waxa kale oo iyaguna dakhli fiican ka helay
beeraha lagu beero Jaad wadaniga ah oo aad loo kala iibsanayey.
Magaalada Hargayga ayaa la keenay
jaadka Miirooga ee Kenya oo laga soo daaburey magaaladda Laascaanood oo ah
magaalada kaliya ee Somaliland laga isticmaalo jaadka Miirooga ah.
Killooga Miiroga ah oo awal la
kala siisan jirey 150 dollar, waxa shalay lagu iibinayey 300 dollar, waxa safaf
dhaadheer loogu jirey goobta kaliya ee iibinaysay oo ka soo horjeedday jeelka
weyn ee magaaladda Hargeysa.
Jaadkii Itoobiya ka imanayey waxa
uu si rasmiya usoo gallay xalay xili dambe illa saakka, inkastoo uu wali qaali
yahay hadana maanta gaadiid faro badan oo jaad sita soo gallay.
Si kasta oo beeraha jaadka laga
keeno loo xidho hadana si biimo ah ayaa loo soo qaada jaadka , taas oo mararka
badan khatar galisa kuwo jaadka soo qaadaya, waxaanay maalmahan oo kale
shirkadaha jaadku u dhiibaan gaadiidka ninba ninka uu ka calool adag yahay ee
uu xoog ku jiidhi karo jidadka xidhan sida ay ii sheegeen dadka jiidka iibiya.
Miisaaniyada Somaliland ayaa la
sheega inay ka hesho cashuurta faro
badan, waana kastama labaad ee
cashuuraha laga helo, waxa kaliya oo horeeya Dekadda Berbera, maalmaha
la waayo dawladu waxay dareenta dakhligii ka soo gali jirtay.
Barkhad-ladiif M. Cumar, Hiiraan Online
[email protected]
Hargeysa, Somaliland.