Xiisad salka ku heysa Aano Qabiil oo ka taagan degmada Balanbale ee gobolka Galguduud
Jimco, October, 18, 2019 (HOL)- Wararka naga soo gaaraya
degmada Balanbale ee gobolka Galguduud ayaa sheegaya in xiisad dagaal oo
dhaxeysa labo maleeshiyo beelleed ay halkaaka taagan tahay, kaddib markii
maalintii shalay lagu dilay deegaanka Qof Xoolo dhaqato ah.
Dadka deegaanka ayaa
muujinaya cabsi la xiriirta dagaal ka
dhax qarxi kara labada maleeshiyo beelleed ee ka soo kala jeeda labada dhinac ee colaado
u dhaxeyso mana jirto wax waan waan ah oo la doonayo in lagu qaboojiyo xiisada.
Maamulka degmada Balanbale iyo saraakiisha ciidamada
Dowladda iyo kuwa Galmudug kama aysan hadal dilka Khamiistii shalay ka dhacay
deegaanka.
Goobjoogayaal ayaa sheegay in ay arkayaan isku
hub uruursi labada dhinac ah, basle wali lama soo sheegin wax dagaal ah oo ilaa
iyo hadda dhacay.
Dhawaan ayeey aheyd markii heshiis la dhax-galay labada beellood ee hadda xiisadu u dhaxeyso, kuwaa oo ka soo kala jeeda degmooyinka Guri-ceel iyo Balanbale.
Inta badan deegaannada dhaca gobollada bartaha
Soomaaliya waxaa ka dhacay dagaallo ka bilaawda dilal ku saleysan aargoosi
qabiil, kuwaa oo marka danbe galaafta nolasha dad badan oo Soomaaliyeed.
C/raxmaan Diini, Hiiraan Online
[email protected]
