3/29/2024
Today from Hiiraan Online:  _
Wararka Maanta- Talaado, Nov 5 , 2019
Wasiir Maareeye'' Dowladda Gobolleedyada qaarkood habka ay u dhaqmayaan waa Fowdo ee ma'aha Federaal

 

Talaado, November, 05, 2019 (HOL)-Wasiirka Wasaaradda Warfaafinta Xukuumadda Soomaaliya Maxamed Cabdi Xayir Maareeye ayaa ku tilmaamay arin fowdo ah hab dhaqanka dowlad gobolleedyada qaarkood oo sida uu hadalka u dhigay qalad ka fahmay habka nidaamka Federaalka.

''Dalka Soomaaliya dowlad buuxda ayuu leeyahay, waana Dowladda Federaalka Soomaaliya, Nidaamkan aynu qaadanay ee Federaaliisam-ka aduunka ayuu ka jiraa, Wuxuu uga jiraan si nidaamsan oo la yaqaanno oo Dowladda dhexe mar walba ay leedahay dalka Maamulkiisa iyo sida uu u shaqeeyo, Maamul gobolleedyada qaarkood waxaad moodaa in ay nidaamka si qalad ah u fahmeen iyaga oo u fasirtay in ay yihiin dowladdo madax-bannaan mana aha....ayuu yiri'' Wasiir Maareeye.

Waxaa uu tusaale u soo qaatay Dowladda Mareykanka oo ah ayuu yiri halka inta badan laga soo qaato nidaamka hadda meelaha qaar hadda Africa looga dhaqmo ee Federaalka, isaga oo sheegay in marnaba gudaha dalka Mareykanka aysan dhici karin in madaxda State ka mid ah Mareykanka inta ay baxaan la kulmaan tusaale ahaa madaxweynaha Ruushka isaga oo sheegay in arntaa leysku maxkameedyo.

''Annaga waad aragtay .. wey iska dhoofayaan .. waddan aan cadaw nahay ayeey u galayaan..madaxda ayeey iskala shirayaan, dowladda oo aan ogeyn ayeey wax fasaxayaan, taaso lama oran karo nidaam Federaal ah ee waa nidaam Fowdo ah'' ayuu hadalkiisa sii raaciyay ayuu intaa raaciyay Wasiir Maareeye.

Dowladda Soomaaliya ayuu sheegay in ay ku mashquulsan tahay sidii loo dhisi lahaa Dowladda Federaalka ah oo sharciyada ku dhisan.

Hadalka Wasiir Maareeye ayaa imanaya xili uu jiro khilaaf xooggan oo u dhaxeeya dowladda dhexe ee Federaalka iyo dnewowlad gobolleedyada dalka qaarkood gaar ahaan Puntland iyo Jubbaland. 

C/raxmaan Diini, Hiiraan Online
[email protected]
 
 

 

 













Click here
11/5/2019 9:57 AM EST
Talaado, November 05, 2019 (HOL)–Madaxweyne Muuse Biixi ayaa taliyaha ciidanka Booliska u magacaabay.Sareeye Guuto, Maxamed Aadan Saqadhi Dabagalle, halka taliye ku xigeenka u magacaabay Sareeye Guuto, Cabdi Xasan Mire Faarax.

11/5/2019 8:44 AM EST
Talaado, November, 05, 2019 (HOL)-Waxgaradka iyo odayaasha deegaanka Ceelafweyn ee gobolka Sanaag ayaa si iskood ah uga heshiiyey dagaaladii soo noqnoqday ee beelaha wada dega ku dhexmaray, taas oo maanta la soo afjaray.

11/5/2019 6:27 AM EST
Talaado, November, 05 2019 (HOL)-Sagaal eedeysan oo ay ka mid tahay qof dumar ahaa loo xukumay ka mid ahaashaha Ururka Al-shabaab ee dagaalka kula jira dowladda Soomaaliya.

11/5/2019 6:14 AM EST
Talaado, November, 05, 2019 (HOL)-Wasiirkii hore ee arimaha guddaha Somaliland Dr Maxamed Cabdi (Gaboose) ayaa si adag u dhaliilay sida uu dalka u maamulayo madaxweyne Biixi, waxaanu sheegay in hadii aan wax laga qaban dalku halis u jiro inuu sii kala fogaado.

11/5/2019 2:41 AM EST
Talaado, November, 05, 2019 (HOL)- Saacadihii la soo dhaafay magaalada Beledweyne iyo daafaheeda waxaa ka da'ay roobab xiriir ah, kaasoo hakad ku keenay duulimaadyadii u badnaa gargaarka ee ka degayay Garoonka diyaaradaha Ugaas Khaliif.

11/5/2019 12:07 AM EST
Talaado, November, 05, 2019 (HOL)- Qarramada Midoobey ayaa ku biirtay dadaallada caalamiga ah lagu gargaarayo dadka ay fatahaadu ku dhufatay ee Soomaaliya gaar ahaan magaalada Beledweyne ee dowlad gobolleedka Hirshabeelle.

11/5/2019 12:02 AM EST
Talaado, November, 05, 2019 (HOL)- Hal Qof ayaa lagu waramayaa in uu ku dhintay shil gaari oo ka dhacay dulleedka magaalada Boosaaso sida ay sheegeen saraakiisha Booliiska dowlad gobolleedka Puntland.