3/28/2024
Today from Hiiraan Online:  _
Wararka Maanta- Isniin, Nov 4 , 2019
Sheekh Maxamed Shaakir'' Ma jiraan deegaanno nalaga-qabsaday waxaa jooga Dhuusa-Mareeb ciidamo isku dhaf ah

 

Isniin, November, 04, 2019 (HOL)- Madaxa Xukuumadda Galmudug , islamaraana ah madaxa ugu sarreeya Ahlu Sunna Waljameeca Sheekh Maxamed Shaakir Cali Xassan  ayaa waxba kama jiraan ku tilmaamay in ay jiraan deegaanno lagala wareegay.

Ciidamada dowladda Soomaaliya ayaa maalmihii ugu danbeeyay waday dhaqdhaaqyo ciidan oo dhan ah Ahlu Sunna Waljameeca gaar ahan degmooyinka Dhuusa-Mareeb, Guri-ceel iyo degmada Matabaan.

Sheekh Sheekir ayaa sheegay  in sheegay in Dhuusa-Mareeb iyo guud ahaan deegaannada kale ee gobolka Galguduud ku sugan yihiin ciidamadii isku dhaf ahaan lagu soo heshiiyay, isaga oo intaan ku daray in wax dhici kara aysan aheyn dadkii deegaannadaa xoreeyay haddana la niyeysto sida uu hadalka u dhigay in laga sii xoreeyay iyaga.

"Madaxda dowladda sare iyo annaguba, xiriir baa nooga socda in la dhammeeyo. Annagu haddii aan nahay shacabka mas'uuliyiintii matalaysay ee dowladda soo dhaweysay, ma rabno in hal xabbad ay dhacdo, ma rabno hal qof in uu dhinto, ma rabno hal qof inuu dhaawacmo".

Wasiirka Wasaaradda Arrimaha Gudaha iyo Dib-u-heshiisiinta dowladda Federaalka Cabdi Maxamed Sabriye ayaa ku eedeeyay Ahlu Sunna in ay is hortaag ku sameynayaan dhismaha Galmudug loo dhan yahay, waxaana uu uga digay dhaqamo sida uu hadalka u dhigay dib u noqosha ah oo aan u wanaagsaneyn deegaannada iyo dadka ku dhaqan gobollada dhexe.

Inkastoo Sheekh Shaakir uu warbaahinta u sheegay in uusan jirin deegaan lagala wareegay ayaa haddana waxaa xusid mudan in meelaha qaar is rasaaseyn ku dhaxmartay ciidamada dowladda Soomaaliya iyo kuwa Ahlu Sunna Waljameeca  gaar ahaan aaga degmada Matabaan ee gobolka Hiiraan. 

C/raxmaan Diini, Hiiraan Online
[email protected]













Click here
11/4/2019 10:42 AM EST
Isniin, November, 04, 2019 (HOL)-Wasiirka Wasaaradda Arrimaha Dibadda Xukuumadda Soomaaliya Axmed Cawad Ciise ayaa u magacaabay xoghayaha koowaada Ergada Soomaaliya ee Qarramada Midoobey wiil uu dhalay Duqii hore ee gobolka Banaadir Alle ha u naxariisteen Eng Cabdiraxmaan Cumar Cismaan Yariisoow

11/4/2019 8:53 AM EST
Isniin, November, 04, 2019 (HOL)-Xoghayaha joogtada ee wasaaradda arrimaha dibadda ee Kenya, Macharia Kamau ayaa sheegay in wafdigii bishii hore ka qeybgalay caleemo saarkii madaxweynaha Jubbaland Axmed Maxamed Islaam [Axmed Madoobe] ku tageen Kismaayo ogolaashaha Dowladda Federaalka.

11/4/2019 4:21 AM EST
Isniin, November, 04, 2019 (HOL)- Dowladda Soomaaaliya ayaa ciidamo kale oo ka tirsan Booliiska sida gaar ah u tababaran ee Harimocad ka dajisay degmada Dhuusa-Mareeb ee gobolka Galguduud

11/4/2019 3:50 AM EST
Isniin, November, 04, 2019 (HOL)-Ra'iisal Wasaaraha Abiy Ahmed oo ka hadlay xaalada dalka Itoobiya kaddib rahshadiihii ugu danbeeyay ee ka dhacay ayaa sheegay in ay ku dhinteen ilaa 86 ruux.

11/4/2019 12:51 AM EST
Isniin, November, 04, 2019 (HOL)- Waxgaradka iyo odayaasha dhaqanka degmada Buula-burte ayaa si adag uga hor yimid guddoomiye cusub oo Wasiirka Arrimaha gudaha dowlad gobolleedka Hirshabeelle uu u magacaabay degmada.

11/4/2019 12:31 AM EST
Isniin, November, 04,2019 (HOL)- Kooxda xiriirka la leh ISIS ee ka dagaalanta gudaha dalka Soomaaliya ayaa ku dhawaaqday in ay la shaqweynayaan hoggaamiyaha cusub ee lagu dhawaaqay ee Quraishi kaddib dhimashadii Abuubakar Al-Baqdaadi oo ay dileen Mareykanka

11/4/2019 12:19 AM EST
Isniin, November, 04, 2019 (HOL)-Wasiirka arrimaha dibadda dalka Turkiga Mevlüt Çavuşoğlu ayaa ugu baaqay Ummaddaha Islaamka in ay ka qayb qaataan u gargaaridda Shacabka Soomaaliyeed ee tabaaleysan, waxa uuna sheegay in ay tahay masuuliyad saaran dhammaan dalalka Caalamka oo idil.