Hiiraan Online
4/28/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Talaado, May 7 , 2019
NISA oo soo bandhigtay saraakiil al-Shabaab ah
Talaado, May, 07, 2019 (HOL) – Hay'adda nabadsugidda iyo sirdoonka qaranka ayaa soo bandhigtay sawirrada labo sarkaal oo la sheegay inay ka soo goosteen ururka al-Shabaab.
Labada sarkaal ee la soo bandhigay ayaa la sheegay inay toddobaadyadii la soo dhaafay isku soo dhiibeen ciidammada dowladda,iyadoo war ay baahisay NISA lagu sheegay in 9 sarkaal ay toddobaadyadii la soo dhaafay iska soo dhiibay gobolka Gedo.
Xubnaha ka tirsan al-Shabaab lama soo bandhigin magacyadooda , balse waxaa la sheegay inay al-Shabaab u qaabilsanaayeen Maktabka Dacwada (Propagan-dada) iyo Maktabka Fursaanul Xizbiga.
Dowladda ayaa toddobaadyadii u dambeeyay sheegtay in xubno ka tirsan al-Shabaab ay iska dhiibeen magaalooyinka Baardheere, Garbahaarey iyo deegaanno kale oo ka tirsan gobolka Gedo, iyadoo xubnahaas diyaaraddo lagu keeno magaalada Muqdisho oo ay la wareegtay taliska NISA.
Ururka al-Shabaab kama aysan hadlin saraakiisha iyo xubnaha kale ee ay dowladda soo bandhigtay.
Iman Mohamed Jama, Hiiraan Online
[email protected]