Sabti, May, 04, 2019 (HOL)- Xisbiga Awoodda
Shacabka oo uu horkacayo gudoomiyihii hore ee gobolka Banaadir ayaa ku soo
biiray Asxaabta siyaasadda dalka, kaddib markii guddiga doorashooyinka ay
maanta guddoonsiiyeen Shahaadada diiwaa-galinta.’
Xisbiga Awoodda Shacabka (People's Power Party)
waxaa sidoo kale ku jira siyaasiyiin hore, aqoonyahano, ganacsato iyo dad badan
oo qiimo kuleh bulshada dhexdeeda Thabit Cabdi ayaa la sheegay inuu arrimaha
xisbigaan ku mashquulsanaa tan iyo bishii Janaayo ee 2018.
Gudoomiye ku-xigeenkii hore ee gobalka Banaadir
Cabdulaahi Cilmi Xaaji Ereg, oo hadana ah gudoomiyaha KMG ah ee Xisbiga Awooda
Shacabka ayaa maanta ka gudoomay guddiga doorashooyinka Qaranka shahaadada
xisbiga.
“Waxaan uga mahadcelinaya guddiga doorashooyinka
Qaranka sida wacan ee ay howshaan u hageen, waxaan rajo badan ka qabnaa in
loolanka siyaasadda ee Soomaaliya uu noqon doono Xisbiyo ku tartama adeega
shacab, wax badan oo ku saabsan xisbiga Awoodda Shacabka waxaad dhamaantiin ku
ogaan doonta munaasabada ugu soo horeysa ee Xisbiga ayuu yiri Xaaji Ereg,
gudoomiyaha KMG ah ee Xisbiga Awoodda Shacabka.
Guddigga doorashooyinka ayaa maanta oo kaliya shahaado guddoonsiiyay ilaa 7 xisbi oo ka mid noqonaya asxaabta siyaasada dalka.
Siyaasiyiinta Soomaalida ayaa intooda badan isha
ku haya in laga guuro hanaanka qabiilka ee 4.5, iyadoo loo gudbaayo in lagu
tartamo nidaamka xisbiyada badan. Beesha Caalamka ayaa sidoo kale xoog iyo
xoolo ku bixineysa in saamileyda siyaasada ee Soomaaliya, in ay arrintaan ka
dhabeeyaan.
C/raxmaan Diini, Hiiraan Online
[email protected]
