Axad, May, 12, 2019 (HOL)- Carruurtan oo tiradooda ay
gaareyso 1,000 Agoon ah ayaa la gaarsiiyay lacag dhan $ 100,000 oo dollar, waa
tiradii ugu badneyd oo carruur Agoon ah
oo deeqdan la gaarsiiyo, iyadoo cunug walba oo Ilmahaa ka mid ah uu hellay
lacag dhan $ 100 dollar.
Munaasabad ka dhacday xaafadda
Daaru-Salaam ee magaalada Muqdisho ayeey hay’adda Hormuud Foundation oo deeqdan
qeybisa ku soo bandhigtay carruurta loo qeybiyay lacagta.
Cabdullaahi Nuur Cismaan guddoomiyaha Hormuud
Telecom Foundation oo ka hadlay munaasabadda ayaa sheegay in Lacagta loo
qaybiyey carruurtan Agoonta ah ayaa sheegay in loogu talagalay in ay ku
kaalmeystaan Qoysaska ay Carruurtan ka soo jeedaan Afurka iyo Ciidda.
Wuxuu sheegay in tallabadan tahay tahay waajib
bulsho oo saran cid kasta oo wax ka tari karta nolasha dadka aan waxba heysan gaar ahaan Agoonta, isaga oo intaa
ku darray in carruur badan oo Agoon Soomaaliyeed ah ay u baahan yihiin caawin
iyo garab istaag mar haddii ay waayeen aabeyaashood ayna ka bannaanaatay kaalin
weyn.
Qoysaska agoonta maanta guddoontay lacagta oo
laga soo kala xulay 21 jimciyadood oo kahadlay munaasabadda ayaa sheegay in
kaalmaada ay Hormuud Telecom Foundation siisay ay ka caawin doonto Afurka iyo
farxadda ciidda taas oo ay sheegeen in ay yihiin arrimaha ugu muhiimsan ee ay
hadda ka welwelsan yihiin qoysaska haysta carruurta agoonta ah oo ay yartahay
cid caawisa.
Tan iyo markii ay bilatay bisha Ramadaan hay’adda
Hormuud Foundation ayaa wadday mashaariic lagu gargaarayo dadka kaalmada u baahan, iyaga oo dhawaan
deeq gaarsiiyay Xabsiga Dhexe iyo Naafada ciidanka xoogga ee deggan Isbitaal
Martiin.
C/raxmaan Diini, Hiiraan Online
[email protected]
