Ardeyda Dugsiyada sare ee gobolka Hiiraan oo maanta u fariisatay Imtixaanka Shaadiga
Sabti, May, 11, 2019 (HOL) – Mas’uuliyiin
ka tirsan maamulka Hirshabeelle, kan gobolka Hiiraan iyo degmada Beledweyne
ayaa goob joog u noqday maanta furitaanka imtixaanka Shaadiga ee dugsiyada sare
ee dalka oo maanta inta badan
Soomaaliyda ardeydu u fariisteen.
Guddoomiyaha Waxbarashada gobolka
Hiiraan Cismaan Maxamed Cilmi {Caato} oo la hadlay Hiiraan Online ayaa sheegay in
sanadkan guud ahaan marka la eego gobolka Hiiraan ay imtixaankan u fariisteen tiro
dhan 1, 4 67 Ardey oo 1, 363 ka mid ah ay imtixaanka u fariisteen degmada
Beledweyne oo kaliya.
Wuxuu sheegay in magaalada
Beleweyne Lix goobood loo asteeyay in Imtixaanka lagu qaado, halka degmada
Buula-buurte Labo goob loogu talagalay in ardeydu Imtixaanka ku gallaan waxaana
xusid mudan in Ardeyda degmada Jalalaqsi Imtixaanka ku gallayaan degmada
Buula-burte.
Mas’uuliyiintii ka qeybgashay
daah furka Imtixaanka ayaa ka sheekeeyay muhiimada u ardeyda u leeyahay
Imtixaanka Shaadiga ee heer Qaran, kaa oo wax weyn ka taraya sida ay hadalka u
dhigeen in ardeygu horay u sii wato waxbarashadiisa ilaa heer Jamacaddeed.
Guddoomiyaha gobolka Hiiraan
Yuusuf Axmed Hagar Dabageed ayaa daah furay bilowga imtixaanka Shahaadiga ee
heer Qaran, isaga oo Ardeyda u rajeeyay guul iyo in ay natiijo wanaagsan ka soo
hooyaan Imtixaankan.
Guud ahaan Soomaaliya marka la
eego Imtixaanka maanta oo uu daah furay ra’iisal wasaare ku-xigeenka dalka
Mahdi Maxamed Guuleed Khadar waxaa ka qeyb qaadaneysa ardey 31,500 sida uu sheegay wasiiru-dowlaha
wasaaradda waxbarashada Soomaaliya C/raxmaan Maxamuud Maxamed (Jaabir).
C/raxmaan Diini, Hiiraan Online
[email protected]
