Madaxtooyada Soomaaliya oo ka hadashay socdaal madaxweyne Farmaajo uu ugu ababaxay Addis Ababa
Talaado, Maarso 05, 2019 (HOL) – Madaxweynaha JFS
Mudane Maxamed Cabdullaahi Farmaajo iyo wafdi uu hoggaaminayo ayaa goor dhaw ka
dhoofaya Garoonka Aadan Cabdulle ee magaalada Muqdisho iyaga oo ku sii jeeda magaalada Addis Ababba
kadib martiqaad uu ka hadlay ra’iisal wasaaraha Itoobiya.
Madaxweynaha ayaa wada
hadallo la yeelanaya isla maantaba Ra’iisul wasaaraha dalka Itoobiya Abiy
Axmed.
Labada mas’uul ayaa kawada hadi doono xoojinta
xiriirka labada dal iyo guud ahaan horumarka iyo Nabadgalyada gobolka.
Qoraal ka soo baxay madaxtooyada Soomaaliya ayaa
lagu sheegay in madaxweyne Farmaajo iyo ra’iisal wasaaraha Itoobiya ka wada
hadli doonaan xoojinta xiriirka labada Dowladood ,labada Dad iyo sidii la isaga
kaashan lahaa Amaanka, waxaana uu kulankan daba socdaa kulmadii ay horay u
yeesheen labada mas’uul
Axadii toddobaadkan waxaa magaalada Asmara ka
dhacay kulan saddex geesood ah oo halkaa ku dhaxmray hoggaamiyayaasha
dowladdaha Itoobiya, Kenya iyo Eritrea, laakiin Soomaaliya kulankaasi qeyb kama
aysan aheyn.
Wafdiga madaxweynaha Soomaaliya waxaa ka mid ah
Wasiiru-Dowlaha Arrimaha dibadda Cabdulqaadir Axmed Khayr iyo
La-taliyayaal ka tirsan Madaxtooyada Qaranka.
C/raxmaan Diini, Hiiraan Online
[email protected]
