Dowladda Soomaaliya : Waqtigeeda ayeey ku dhaceysaa doorashada Galmudug
Arbaco, Maarso, 20, 2019 (HOL)- Wasiirka
Wasaarradda Arrimaha gudaha xukuumadda Soomaaliya Cabdi Maxamed Sabriye ayaa
sheegay in mowqifka dowladdu yahay in doorashada Galmudug waqtigeedii ku dhacdo.
Wasiirka ayaa ka sheekeeyay
marxaladihii kala duwanaa laga soo maray dhismaha maamulka Galmudug iyo
khilaafka xiligan u dhaxeeya, waxaana uu meesha ka saaray hadalkii dhawaan ka
soo yeeray hoggaanka sare ee maamulka ee ahaa in doorashada la qabanayo saddex
sano kadib.
‘’Annagu waxaa rabnaa in
doorashada waqtigeedii ku dhacdo oo ah bisha July ee sanadkan aynu ku jirno,
ayuu yiri Wasiirka Arrimaha gudaha xukuumadda Soomaaliya.
Madaxweyne Axmed Ducaale Geelle
Xaaf iyo Madaxa Xukuumadda Galmudug Sheekh Maxamed Shaakir Cali Xassan ayaa
dhawaan sheegay in in doorasahada Galmudug dhaceyso ma la gaaro sanadkan 2021.
Go’aanka dowladda Soomaaliya ee
ah doorashada waqtigeeda lagu qabto ayaa waxaa taageersan mas’uuliyiinta
maamulka Galmudug garabka Cadaado oo dhawaan siweyn uga soo horjeestay go’aanka
madaxweynaha iyo madaxa xukuumadda ay kaga dhawaaqeen Dhuusa-Mareeb.
C/raxmaan Diini,
Hiiraan Online
[email protected]
