Howlgal laga fuliyay guryo uu degnaa Ninkii Muslimiinta ku laayay New Zealand
Isniin, Maarso, 18, 2019
(HOL)- Ciidamada booliiska dalka New Zealand ayaa howlgalo baaritaano ah ka
fuliyay labo guri uu degnaan jiray cunsurigii muslimiinta badan Jimcihii ku
laayay masaajidyo kuyaala magaalada Chrischurch.
Booliiska ayaa guryaha
ninkaasi ka raadinayay cadeymo dheeraad ah oo ku aadan weerarkii uu dadka badan
ku laayay, walina ma sheegiin booliiska hadii ay guryaha ay baareen kasoo
heleen hub iyo waxyaabo kale oo cadeyn ah.
Ciidamada booliiska ayaa sidoo
kale guryaha ay baareen ka kaxeeyay hooyada dhashay dilaaga iyo gabar la
dhalatay, waxaana labadan qof booliiska geeyeen goob amaan ah si aysan weerar
aargoosi ah ula kulmin .
Qaar kamid ah ehelada ninkan
ayaa si kulul u cambaareeyay ugana xumaaday weerarka uu ku laayay muslimiinta
badan, waxa ayna sheegeen in wiilkooda aysan sidan ku ogeyn balse kooxo mayal
adag badaleen.
Dalka New Zealand oo ka mid
ahaa wadamada caalamka ugu amaanka badan ayaa waxaa saameyn badan ku yeelatay
muskimiintii badnaa ee Himcihii lagu toogtay labo masjid oo kuyaala
magaalada Chrischurch.
C/raxmaan Diini, Hiiraan Online
[email protected]
