9/22/2019
Today from Hiiraan Online:  _
Wararka Maanta- Arbaco, Mar 13, 2019
Madaxweynaha Puntland oo Shir-guddoomiyey maalintii Labaad Shirka Jihaynta Siyaasadda Xukuumadda



Arbaco, Maarso, 13, 2019 (HOL)-  Madaxweynaha Puntland, Siciid Cabdullaahi Deni ayaa maalintii labaad shir guddoomiyey shirka Jihaynta Siyaasadda xukuumadda cusub ee Puntland.

Madaxweyne Siciid Deni,  ayaa waxaa shirka ku wehelinaaya Madaxweyne Ku-xigeenka Puntland Axmed Cilmi Cismaan Karaash iyo dhammaan xubnaha Golaha Wasiirrada.

Madaxweynaha  Puntland,Siciid Cabdullaahi Deni ayaa furay shirka, waxaana intiisa badan shirka maanta daadihinaaya Wasaaradda Qorshaynta, Horumarinta Dhaqaalaha iyo Iskaashiga Caalamiga Ah, Ajandaha shirka maanta looga hadlayo ayaa ah qodobada hoos ku qoran.

1. Nidaamka Wadashaqaynta dowladda

B. Habka xallinta khilaaf haddii uu yimaado.

T. Illaalinta sharafta xifdinta siraha dowladda.

2.Soo jeedin iyo Falanqayn nidaamka Wadashaqaynta dowladda iyo hay'addaha caalamiga ah.

3. Guudmar qorshaha sanadlaha ah ee dowladda oo ku salaysan barnaamijka siyaasadeed ee Madaxweynaha Puntland iyo guddi hooseedyada hay'addaha dowliga ah.

4. Qorshaha qaybta saraynta sharciga ( Rule of law )

5. Qorshaha qaybta baahinta siyaasadda maamul daadejinta ( political sector )

6. Qorshaha qaybta horumarinta dhaqaalaha iyo waxsoosaarka ( Economic Dev sector ).

7. Qorshaha qaybta horumarinta arrimaha bulshada ( social sector key strategic priorities ).

8. Maamul wanaagga iyo tayaynta hay'addaha dawladda.

9. Su'aalo iyo jawaabo.

Ugu dambayn, Madaxweynaha Puntland, Siciid Deni ayaa Golaha Wasiirrada ku booriyey in saddexda cisho ee uu soconaayo shirku halbeeg u yahay shaqada dowladdu ay qabandoonto sanadka 2019ka, sidaasi darteed ay tahay muhiim in lasoo saaro maxsuul bud-dhig u ah horumarinta adeegyada shacabka iyo kan horumarinta dalka.

Iman Mohamed Jama, Hiiraan Online
[email protected]








Click here
3/13/2019 12:13 PM EST
Arbaco, Maarso, 13, 2019 (HOL)-Deegaanka Goofguduud oo qiyaastii 30km u jira magaalada Baydhabo ayaa lagu soo waramayaa in maanta ay ku dhaceen qaraxyo sababay khasaare dhimasho iyo dhaawacba leh.

3/13/2019 6:49 AM EST
Arbaco, Maarso, 13, 2019 (HOL)- Maxkamadda shaqaalaha ee London ayaa dhageysanaysa dacwad uu soo gudbiyay 79 jir Soomaali ah oo muddo kala kulmayay bahdil diblomaasi Qadari ah.

3/13/2019 6:02 AM EST
Arbaco, Maarso, 13, 2019 (HOL)- Ugu yaraan lix qof ayaa ku dhintay tiro kalana waa ay ku dhaawacmeen iska hor'imaad saakay ka dhacay dulleedka waqooyi ee magaalada Gaalkacyo, sida ay xaqiijiyeen dadka deegaanka.

3/13/2019 5:37 AM EST
Arbaco,Maarso, 13, 2019 (HOL)-Xaruntan oo noqoneysa tii ugu horeysay ee nooceeda ah laguna daweeyo dadka qaba xannuunka dhimirka ayaa laga hergaliyay qeyb ka mid ah Isbitaalka guud ee magaalada Beledweyne

3/13/2019 2:20 AM EST
Arbaco, Maarso, 13, 2019 (HOL)- Dowladda Soomaaliya ayaa markii ugu horeysay sheegtay in ay garoomadeeda ka mamnuucday in ay isticmaalaan diyaaradaha duqoobay ee lagu farsameeyo wadankii la oran jiray midowga Soofiyeeti.

3/13/2019 2:01 AM EST
Arbaco, Maarso, 13, 2019 (HOL)- Taliska Mareykanka ee Africom ayaa sheegay in sanadkan oo kaliya 25 duqeymo cirka oo ay ka geysteen Soomaaliya Al-shabaab looga dilay 244 dagaalyahan.

3/13/2019 1:22 AM EST
Arbaco, Maarso, 13, 2019 (HOL)-Madaxweynaha Jamhuuriyadda Soomaaliya Maxamed Cabdullaahi Farmaajo oo ku sugan dalka Uganda ayaa ka qeyb galaya Shirka Africa Now ee ka socda dalkaas,kaas oo looga hadlayo arrimaha nabadgelyada, isdhexgalka iyo koboca dhaqaalaha ee Qaaradda Afrika.