Maktabad caruurta iyo Iskuullo ay qoys qurba joog ahi ka fulinayaan gobolada Sool iyo Sanaag
Isniin, June, 17, 2019 (HOL) -Qoyskan oo mudo 35 ka badan deganaa wadanka Kanada ayaa dhowaan baabiiyey guri ay ku lahaayeen badhtamaha magaalada Laascaanood si looga dhigo magtabad ay wax ku bartaan carruurta da'doodu ka yar tahay 10 sano.
Duqa magaalada, Xoghayaha Dawlada Hoose iyo Axmed Siciid
Naaleye iyo xubno qoyskiisa ka mid ah ayaa si wadajir ah u dhagax dhigay
xarunta haatan ay ka dhisayaan magaalada Laascaanood.
Duqa
degmada Laas-caanood oo dhagaxdhiga maktabadan ka hadlaya ayaa waxa uu
sheegay in talaabada ay qaadeen qoyskani uu yahay mu ku dayasho mudan,
waxaanu ugu baaqay kuwa dhigooda ah in ay ku daydaan oo dadkooda wax u
qabtaan.
Give to learn to Grow foundation waa hay'ad
samafal oo qoyskani sida la sheegay aasaaseen iyagoo hore dhawr jeer
deeqo waxbarasho meelo kala duwan soo gaadhsiiyey Gobolada Sool iyo
Sanaag, waxana ay haatan sheegeen in ay maalgelinta waxbarashada dugsiga
hoose dhexe ee Abyan oo ah dugsigii ugu horeeyey ee magaalada
Laascaanood laga dhiso afartamaadkii.
Sidoo kale waxa ay la
wareegeen dugsiga Hoose dhexe ee Gol-barwaaqo oo gobolka Sanaag ku yaala
degaanka Fiqifuliye, waxaana dhigta sida la sheegay tiro ka badan 250
arday.
Dhinaca kale waxaa isla maanta qoyskan
qado sharaf u sameeyey Khadar Cali Jaamac oo ah maamaulaha shirkadaha
Dahabshiil iyo Somtel taas oo uu uga mahad celiyey qoys ahaan talaabada
muuqata ee ay qaadeen iyo sida aanay ugu kala baydhin yar iyo weyn kor u
qaadka aqoonta dadkooda.
Qoyskan ayaa hadal hayntoodu aad ugu badnayd baraha bulshada iyadoo ay dadku si aad ah u hadal hayaan qoyka sida isku duubnida ah wax midhadhal ah u wada baadi goobaya, in ku dayasho ay mudan yihiina hadaladooda kama madhnayn.
Seynab Cabdi Warsame
Laascaanood G. Sool
