3/28/2024
Today from Hiiraan Online:  _
Wararka Maanta- Sabti, Jun 15, 2019
Madaxweynaha Hirshabeelle oo cambaareeyay falkii lagu laayay dadka rayid ah magaalada Gaalkacyo

 

Sabti, June, 15, 2019 (HOL) – Madaxweynaha Maamul Goboleedka Hirshabelle  Maxamed Cabdi Waare ayaa ka hadlay dilka magaalada Gaalkacyo lagu xasuuqay dad  rayid ah oo  ka soo jeeda    Koonfurta Soomaaliya, isagoo cambaareeyay falkaasi kuna tilmaamay mid argagax ah oo laga naxo.

“Anigoo ku hadlaya afka Golayaasha Dowladda Hirshabelle Waxaan cambaareynayaa falkan lagu laayay dadkaasi masaakiinta ah, Dadka Soomaaliyeed waa walaal, xidid, iyo ehel intuba meel kasta oo ay joogaan, waxaana uga tacsiyeynayaa ehelada ay ka geeriyoodeen dadkaasi, waxaana u rajeynayaa in eebe uu ka waraabiyo Janatul Fardowsa” ayuu yiri Madaxweyne Waare.

Madaxweynaha Hirshabelle Maxamed Cabdi Waare oo sii hadlay ayaa muujiyay sida uu uga xunyahay falkaasi lagu dilay 13 ruux oo dad  xoogsata ahaa, waxaana uu ugu baaqay Maamulka Galmudug in baaritaan dhab ah ay ku sameeyso falkaasi islamarkaana dadkii ka dambeeyay, cadaaladda la marsiiyo.

Dilka ka dhacay magaalada Gaalkacyo ayaa aad looga xumaaday, waxaana dadka la dilay  ka soo jeedaan  afar ka mid ah ay ka soo jeedaan Hirshabelle halka sagaalka kalana ay ka soo jeedaan Koofurgalbeed Soomaaliya.

C/raxmaan Diini, Hiiraan Online
[email protected]  












Click here
6/15/2019 2:36 PM EST
Sabti, June, 15, 2019 (HOL)–Taliska Ciidanka Booliska Soomaaliyeed ayaa ka warbixiyay labo Qarax oo maanta ka dhacay magaalada Muqdisho kuwaasoo geystey qasaare isugu jira dhimasho iyo dhaawac.

6/15/2019 12:09 PM EST
Sabti, June, 15, 2019 (HOL) –Magaalada Istanbul ee dalka Turkiga waxaa maanta ka furmay shirka Qurba-joogta Soomaaliyeed oo soconaya muddo Afar cisho ah.

6/15/2019 10:00 AM EST
Sabti, June, 15, 2019 (HOL)-Madaxweynaha dowlad gobolleedka Galmudug ayaa arin laga xumaado ku tilmaamay dhacdadii lagu dilay dad ka badan 10 ruux oo guud ahaanba ka soo jeeda deegaannada Koonfur Galbeed.

6/15/2019 6:56 AM EST
Sabti, June, 15, 2019 (HOL)-Qarax xoog leh ayaa goordhow ka dhacay magaalada Muqdisho iyadoo qaraxana uu ka dhacay isgoyska Sayidka gaar ahaan goob lagu ilaaliyo Golaha Shacabka.

6/15/2019 5:39 AM EST
Sabti, June, 15 2019 (HOL)- Ardayda dugsiyadda sare iyo dugsiyada dhexe ayaa maanta u fadhiistay imtixaankii shahaadiga ee sanad dugsiyeedka 2018/2019 , kaasi hal mar ka wada bilaabmayo dhamaan gobolada iyo degmooyinka Somaliland.

6/15/2019 5:36 AM EST
Sabti, June, 15 2019 (HOL)- Alle Ha u Naxariisto Abwaan Saxardiid Maxamuud Jabiye oo ka mid ahaa Abwaanadii ka qaybqaatay halganka gumaysi diidka ee hal abuurkiisu sababay inuu xoriyadii lixdankii Soomaali ka heshay Ingiriiska ayaa maanta ku geeriyooday magaaladda Hargeysa.

6/15/2019 4:10 AM EST
Sabti, June, 15, 2019 (HOL)-Wasiirka Maaliyadda Xukuumada federaalka Soomaaliya Cabdiraxmaan Ducaale Beyle waxa uu Magaalada Malabo ee dalka Equatorial uga qeyb galay shirkii Bangiga hormarinta Afrika oo uu ku matalayay Soomaaliya kaa soo looga hadlay hormarinta Dhaqaalaha iyo maalgashiga Afrika.

6/15/2019 4:06 AM EST
Sabti, June, 15, 2019 (HOL)-Dowladda Soomaaliya ayaa si adag uga hadashay dil magaalada Gaalkacyo loogu geystay 9 ruux oo ahaa dad deegaan ahaa ka soo jeeda maamulka Koonfur Galbeed Soomaaliya

6/15/2019 2:23 AM EST
Sabti, June, 15, 2019 (HOL)–Dowladda Mareykanka ayaa ka digtay in dalka Suudaan ay ka bilowdaan Xasaraddo Siyaasadeed oo sababi kara Burburkii ku dhacay Soomaaliya iyo Liibiya oo kale in dalkaasi uu haleelo.

6/15/2019 1:50 AM EST
Sabti, June, 15, 2019 (HOL)–Xildhibaanada Golaha Shacabka Baarlamaanka Federaalka Soomaaliya ayaa lagu wadaa inay maanta dib u bilaabaan kulamadoodii kadib markii ay fasax ka soo laabteen.

6/15/2019 1:34 AM EST
Sabti, June, 15, 2019 (HOL) – Faah faahinno dheeraad ah ayaa ka soo baxay dilka 9 ruux oo rayid oo ka soo jeeda deegaannada Koonfur Galbeed Soomaaliya, kaddib markii maleeshiyo beelleed ka careysay dilka sarkaal ka tirsanaa maamulka Galmudug si wadar ah u toogteen dadkan.