Sabti, June, 15, 2019 (HOL) – Dowladda Mareykanka
ayaa ka digtay in dalka Suudaan ay ka bilowdaan xasaraddo siyaasadeed oo sababi
kara burburkii ku dhacay Soomaaliya iyo Liibiya oo kale in dalkaasi uu haleelo.
Dowladda Mareykanka ayaa sheegtay haddii Golaha
Milatariga iyo Shacabka ay ku guuldareystaan in ay soo dhisaan dowlad KMG ah oo
dalka Hoggaamisa in ay dhici karto Fowdo Sababi kartaan in khalalaaso uusan
xalkiisa Fududeyn in uu dalkaasi ka bilowdo.
Dowladda Mareykanka ayaa si deg deg ah ugu
baaqday dhinacyadda Suudaan heshiis muhiim ah in ay gaaraan, kaasoo ku aadan
dhismaha Dowlad KMG ah oo ku timaada rabitaanka Shacabka.
Tibor Nagy, kaaliyaha Xoghayaha Arrimaha Dibadda
Mareykanka ee arrimaha Afrika ayaa sheegay in dowladda Mareykanka ay isha ku
heyso Xaaladda Suudaan ayna ka walaacsan in uu haleelo burburkii Soomaaliya oo
kale.
Nagy ayaa xusay in Mareykanka uu kala shaqeyn
doono dalalka Afrika badbaadinta Suudaan.
In ka badan 100 qof ayaa la dilay ku dhowaad 500
oo qofna dhaawac ayaa soo gaaray intii lagu guda jiray howlgal culus oo laga
fuliyay goob ay leeyihiin Banaanbaxyeyaasha oo ku taalla caasimadda Sudan ee
Khartoum maalmihii ugu dambeeyay.
C/raxmaan Diini, Hiiraan Online
[email protected]
