3/28/2024
Today from Hiiraan Online:  _
Wararka Maanta- Sabti, Jun 10, 2019
Madaxweyne Xaaf : Muddo hal sano ah gureyga Muqdisho ma tagin Cadaadana diyaarad ayaan ku dul maraa

 

Isniin, June, 10, 2019 (HOL)- Madaxweynaha dowlad gobolleedka Galmudug Axmed Ducaale Geelle Xaaf ayaa sheegay in maamulkiisa lagu hayo sida uu hadalka u dhigay cadaadis dhicyo badan uga imanaya.

Cadaadiska lagu hayo ayuu sheegay in uu sababay xitaa muddo Hal sano ah uu tagi waayo Hoygiisa oo ku yaala magaalada Muqdisho isaga oo intaa ku daray in magaalada Cadaado oo muddo dheer xarun u aheyd maamulka Galmudug uu diyaar ku dul maro oo kaliya.

“Cadaadiska na saaray waxaa uu sababay in muddo hal sano   aan tagi waayo gurigeyga  Xamar, Cadaadana diyaarad baan ku dul maraa, Laakiin intaas  oo dhan dagaal baan ka xigaa waana gaari doonaa Insha Allaah” ayuu yiri  madaxweyne Xaaf.

Wuxuu sheegay in ay jiraan dad badan oo ka soo horjeeda hormar ay sameyso Galmudug, isaga oo tusaale u soo qaatay halkii ay ku danbeeyeen mashaariic dhowr ah oo madaxda ugu sareysa dalka dhagax -dhigeen deegaannada Galmudug.

“Dadka naga soo horjeeda wanaagGeena ma rabaan, halkaan maalintii  aynu imaaneynay oo ugu horeysay meelo badan ayaan dhagax dhignay, wax  soo laabto ma aragteen, mana arki  doontaan, ''ayuu yiri Madaxweynaha Galmudug.

Dhinaca kale Xaaf ayaa meesha ka saaray in uu jiro khilaaf soo kala dhax-galay isaga iyo madaxda Ahlu Sunna ee ku biiray Galmudug oo maalmihii ugu danbeeyay siweyn looga hadal hayay baraha bulshada.

''Wararka baraha bulshada leysla dhaxmarayo ee ah in uu khilaaf na soo dhax-galay Annaga iyo madaxda Ahlu Sunna ee ka tirsan Galmudug waxba ma jiraan'' ayuu yiri Xaaf.

Ugu danbeyntii waxaa uu sheegay in dhamaan caqabadaha la soo darsay ee lagu hayo maamulkiisa si dhib yar uga gudbi doonaan, isaga oo yiri '' Ma jirto cid nagu gumeysan karta deegaannada Galmudug''

Bilhii ugu danbeeyayba waxaa jiray khilaaf xoog leh oo u dhaxeeyay madaxweynaha dowlad gobolleedka Galmudug iyo dowladda dhexe ee federaalka. 

C/raxmaan Diini, Hiiraan Online
[email protected]  
  

 

 













Click here
6/10/2019 1:04 PM EST
Isniin, June, 10, 2019 (HOL) – Wasiirka shaqada iyo arrimaha bulshada xukuumadda federaalka ah ee Soomaaliya, Sadiiq Xirsi Warfaa oo hoggaaminaya wafdi saddex-geesood ah ayaa magaalada Geneva ee dalka Switzerland kaga qeybgalay shir weynaha shaqada adduunka oo halkaa maanta ka furmay.

6/10/2019 12:19 PM EST
Isniin, June, 10, 2019 (HOL)–Dowlad Degaanka Soomaalida ayaa maanta waxaa ka billaabmay Imtixaanka heer qaran ee Fasalka 10aad, Imtixaankan oo ay u fadhiisteen arday gaadhaysa 22,957 arday isugu jiray Wiilal iyo Gabdho.

6/10/2019 11:39 AM EST
Isniin, June, 10, 2019 (HOL) – Wasiirka Arrimaha Dibeddadalka Norway Ine Eriksen Soreide ayaa maanta booqasho hal maalin ah ku timid magaalada Muqdisho.

6/10/2019 10:30 AM EST
Isniin, June, 10, 2019 (HOL) – Caro iyo xaalad aan daganeyn oo ka jirtay maamulka Hindiya ee dhinaca Kashmiir,ka dib waxaa maanta Maxkamad la soo taagay lix qof oo lagu soo eedeeyay in ay ka dambeeyeen dhimashada gabar yar oo muslim ah oo hal sano ka hor lagu dilay halkaasi.

6/10/2019 4:11 AM EST
Isniin, June, 10, 2019 (HOL) – Howlgalka Midowga Afrika ee AMISOM ayaa ku eedeyay beesha caalamka inaysan jawaab ku filan ka bixin dhowr dalab oo ay u direen, waxaana madaxa howlgalka uu xaqiijiyay dhaqaalo xumo bahsan oo ay wajahayaan.

6/10/2019 3:39 AM EST
Isniin, June, 10, 2019 (HOL) – Madaxweynaha ku-xigeenka Puntland,Axmed Cilmi Cismaan Karaash ayaa ku sugan magaalada ganacsiga ah ee Boosaaso, halkaa oo safar dhulka ah uu ku gaaray shalay.

6/10/2019 12:56 AM EST
Isniin, June, 10, 2019 (HOL)–Wasiirka arrimaha dibadda ee dalka Qadar ayaa ku baaqay dadaal albaabada loogu furayo wadahadalo u dhaxeeya dalalka Iiraan iyo Mareykanka .

6/10/2019 12:51 AM EST
Isniin, June, 10, 2019 (HOL) – Madaxweynaha dowlad gobolleedka Galmudug Axmed Ducaale Geelle Xaaf ayaa xil ka qaaday gudodomiyaha Gobolka Mudug, isaga oo dhinaca kale magacaabay guddoomiye cusub.

6/10/2019 12:36 AM EST
Isniin, June, 10, 2019 (HOL)-Shirkadda Basaska waawayn ee Falcon coach Bus basaskeeda qaar ka mid ah ayaa muddo 10 maalmood gudahooda shil ku galay meelo kamid ah degaanka Soomaalida ee dalka Itoobiya.