Saraakiil ka tirsan ciidamada xoogga dalka oo la dalacsiiyay
Jimco, July, 19, 2019 (HOL)- Ku simaha taliyaha
ciidamada xoogga dalka Soomaaliyeed, S/gaas; Cabdi Xasan Maxamed, ayaa
garraadda siiyay 83 xubnood oo isugu jira Dhaqaatiir iyo Kalkaaliyaal Caafimaad.
Dhaqaatiirta iyo Kalkaaliyeyaasha caafimaad ee la
siiyay darajooyinka Sarkaalnimo ayaa waxay dhowaan kusoo biireen ciidamada
xoogga dalka Soomaaliyeed.
Taliyaha ciidamada dhulka ee xoogga dalka,
S/Guuto; Odowaa Yuusuf Raage ayaa u sheegay Dhaqaatiirta iyo Kalkaaliyaasha caafimaad
in ay aqoontooda wax ugu qabtaan Ciidanka.
Ku-simaha Taliyaha ciidamada xoogga dalka ahna Taliye Ku xigeenka
ciidamada S/gaas; Cabdi Xasan Maxamed, ayaa kula dardaarmay xubnaha darajada la
siiyay in ay u diyaargaroobaan Shaqo adag maaddaama uu ciidamada xoogga dalku
ku jiro dagaal.
Bishii December ee sanadkii Tagay ayey
ahayd markii ugu horreysey ee ay si rasmi ah u shaqo billaabeen kooxdan ka
kooban Dhaqaatiitar iyo Kalkaaliyaasha Caafimaadka.
C/raxmaan Diini, Hiiraan Online
[email protected]
