3/29/2024
Today from Hiiraan Online:  _
Wararka Maanta- Sabti, Feb 16, 2019
Maxkamada Racfaanka : Talaabo ayaa laga qaadayaa dadka dacwadahooda ku soo bandhigga baraha bulshada

 

Sabti, Feberaayo, 16, 2019 (HOL)- Guddoomiyaha maxkamada Racfaanka gobolka Banaadir Abshir Cumar Cabdullaahi oo shir jaraa’id ku qabtay magaalada Muqdisho ayaa sheegay in ay sharciga la tiigsan doonaan sida uu hadalka u dhigay dadka baraha bulshada ku soo bandhigga cabashadooda la xiriirta kiisaska dacwadaha hor yaala maxkamada ama laamaha cadaallada dalka.

Wuxuu sheegay in ay tahay arin danbi weyn ah in baraha bulshada lala aado sida uu hadalka u dhigay kiisas ay ku howlan yihiin maxkamadaha dalka iyo laamaha cadaallada sidii go’aan looga gaari lahaa, iyaga oo taa ula jeeda sida uu hadalka u dhigay sumcad dil iyo in lagu ceebeeyo hay’adda garsoorka dalka.

” Maanta laga bilaabowaxey noqon doontaa cidii ka dacwooto oo Social mediayaha soo dhigto kiis ka socda Maxkamada, In kiiskiisana cadaalad laga gaari doono oo meel la dhigi doono, basle ay ka hor mari doonto in kiis ciqaab ah isaga lagu soo oogo, hay’daha baarista loo diro, Sababta uu ka lahaa iyo ula jeedka uu u sameeyay Sumcad dilistaas in la baaro, isla markaana Maxkamada Awoodo u leh la horgeeyo” ayuu yiri garyaqaan Abshir Cumar

Hadalka guddoomiyaha maxkamada Racfaanka ayaa imanaya xili maalmihii ugu danbeeyayba baraha bulshada ay ku soo bannayeen cabashada muwaadiniin Soomaaliyeed oo ku dooddaya in waxba laga qaban waayay kiisas dacwado ah oo ay u gudbiyeen laamaha garsoorka dalka, qaarkood-na waxaaba ay ku eedeeyeen qaar ka mid ah guddoomiyayaasha maxkamada in ay kala kulmaan hanjabaado, marka la ogaado in dacwaddoodu tahay mid sax ah.

Dhawaan ayeey aheyd markii baraha bulshada uu ku soo muuqday muwaadin Soomaaliyeed oo ku eedeeyay afhayeenkii hore ee gobolka Banaadir Cabdifitaax Cumar Xalane in uu xoog uga heysto guri uu leeyahay oo markii hore uu ka kireeyay, islamarkaana waxba dacwadiisa ka qaban waayeen laamaha garsoorka.

Hasse ahaatee markii uu muuqaalkaa la wadaagay baraha bulshada ayaa waxaa si deg deg ah arintiisa u soo fara-galiyay maamulka gobolka Banaadir oo muwaadinkaa Soomaaliyeed ku wareejiyay gurigiisa.

Sidoo kale waxaa iyana jiray muwaadiniin Soomaaliyeed oo si joogta ah maalmihii ugu danbeeyay-ba uga soo muuqanayay baraha bulshada kuwaa oo ka dalbanaya madaxda ugu sareysa dalka in ay wax ka qabtaan cabashadooda, madaama ay wax garsoor ka waayeen sida ay hadalka u dhigeen hay’addaha cadaallada dalka.

Lama oga waxa ay ka badalli karto digniintan ka soo baxday maxkamada Racfaanka cabashada ay dadka ku soo gudbiyaan baraha ay bulshadu ku wada xiriirto.

C/raxmaan Diini, Hiiraan Online
[email protected]

 













Click here
2/16/2019 12:15 PM EST
Sabti, Feberaayo, 16, 2019 (HOL)- Dowladda Kenya ayaa amar ku siisay inuu dalkeeda ka baxo safiirka Soomaaliya ka jooga Amb. Maxamuud Axmed Nuur (Tarsan), sida laga soo xigtay warbaahinta maxalliga ah ee dalkaa.

2/16/2019 10:43 AM EST
Sabti, Feberaayo, 16, 2019 (HOL)- Wasiirka warfaafinta Somaliland C/raxmaan C/laahi Guri-barwaaqo ayaa ka hadlay hadal ka soo baxay wasiirka waxbarashada Soomaaliya Cabdilaahi Goodax bare oo sheegay inay ka shaqaynayso guddi uu madax ka yahay inay dib usoo celiyaan hantidii shacabka ee dawladda gacanteeda ka baxday.

2/16/2019 9:51 AM EST
Sabti, Feberaayo, 16, 2019 (HOL)- Taliyaha ciidanka Lugta ee dalka Uganda Lt. Peter Elwelu ayaa todobaadkaan booqasho ku yimid Soomaaliya,wuxuuna taliyaha si gaar ah u booqday goobaha ciidanka Uganda ee qeybta ka howlgalka AMISOM ku sugan yihiin.

2/16/2019 6:27 AM EST
Sabti, Feberaayo. 16, 2019 (HOL)-Duhurnimadii maanta ayaa dib xoriyadiisa loogu soo celiyey weriye Cabdi Keyse Tungub oo haatan ka hawlgala Bulsho TV kadib markii shalay ciidanka Boolisku xidheen.

2/16/2019 6:19 AM EST
Sabti, Feberaayo, 16, 2019 (HOL)- Kulankan oo lagu daah furayay mashruuca wacyi-galinta bulshada ayaa waxaa ka qeybgalay Duqa degmada Beledweyne Khadar Xassan Afrax iyo xubno ka kala socda qeybaha kala duwan ee bulshada.

2/16/2019 6:18 AM EST
Sabti, Feberaayo, 16, 2019 (HOL)- Iska horimaad xooggan ayaa deegaan hoostaga degmada Afmadow ku dhexmaray ciidamo ka tirsan kuwa dowlad goboleedka Jubbaland iyo Maleeyshiyaadka Al-shabaab, kadib markii ciidamo ka tirsan Jubbaland ay weerar qorsheeysan la beegsadeen Saldhig ay Al-shabaab ku lahaayeen deegaanka Weelmaaro oo hoostaga Afmadow halkaa oo ay gacanta ku hayeen Al-shabaab.

2/16/2019 6:13 AM EST
Sabti, Feberaayo, 16, 2019 (HOL)- Madaxweynaha Puntland, Siciid Cabdullaahi Deni ayaa maanta horgeeyay Baarlamaanka Puntland, golaha wasiirrada ee uu dhawaan soo magacaabay.

2/16/2019 5:08 AM EST
Sabti, Feberaayo, 16, 2019 (HOL)-Sida ay qortay Wakaaladda Wararka Itoobiya ENA , ayaa Wadamada Jabuuti iyo Itoobiya kala saxiixday heshiis ku saabsan dhoofinta Gaaska dabiiciga ah ee laga soo saaro Dowlada Deegaanka Soomaalida ee Itoobiya,iyadoo la adeegsanayo dhuumaha Gaaskaasi dabiiciga ah ka soo qaada Itoobiya ee keena Jabuuti,ila 760 KM oo dhumaahaasi laga soo qaado deegaanada Elala iyo Kulab lana geeyo dekedda Jabuuti.

2/16/2019 2:19 AM EST
Sabti,Febraayo 16, 2019 (HOL)–Cabdiraxmaan Axmed oo ah Agaasime waaxeedka qorsheynta iyo xidhiidhka caalamiga ah ee wasaarada Warfaafinta dawladda Soomaaliya ayaa 12 cisho ka dib shalay xabsiga laga siidaayey.

2/16/2019 2:12 AM EST
Sabti, Feberaayo, 16, 2019 (HOL)-Waxaa si habsami leh u bilowday xuskii toddobaadka magaalooyinka ee Jigjiga lagu qabanayay oo saakay ka furmay garoonka kubada cagta ee Jigjiga.

2/16/2019 1:38 AM EST
Sabti, Febraayo 16, 2019 (HOL)- Shirkadda Ganacsiga Dunida,DP World, ayaa daahfurtay xarun cusub oo qaybinta biyaha ah, taas oo kor loogu qaadayo 60 boqolkiiba adeegga biyaha ee Berbera.

2/16/2019 12:57 AM EST
Sabti, Feberaayo, 16, 2019 (HOL)-Wasiirka Arrimaha Dibadda iyo iskaashiga Caalamiga ee Soomaaliya Danjire Axmed Ciise Cawad ayaa magaalada Stockholm kula kulmay dhiggiisa Sweden Margot Wallstrom.

2/16/2019 12:42 AM EST
Sabti, Feberaayo, 16, 2019 (HOL)- Ururka Al-shabaab ayaa war laga soo xigtay waxaa ay ku sheegeen in weerar madaafiic ah oo ay ku qaadeen saldhig ciidamada Mareykanku ku leeyihiin garoonka Balli Doogle ee gobolka Shabeellaha hoose ku dileen saddex askari oo Mareykan ah.