3/28/2024
Today from Hiiraan Online:  _
Wararka Maanta- Jimco, Feb 15, 2019
Guddiga madaxbannan ee doorashooyinka Qaranka oo ka qaybgalaya korjoogteynta doorashooyinka Nigeria

 

Jimco, Feberaayo, 15, 2019 (HOL)- Waxaa magaala Abuja ee dalka Nigeria ku sugan Guddommiyaha Guddiga Madaxbannan ee doorashooyinka Qaranka  Xalimo Ismaaciil Ibrahim oo ka qayb ah hawlgalka kormeerayaasha Midowga Africa ee doorashooyinka Guud ee dalka Nigeria.

hawlgalkan korjoogteynta ee Midowga Africa ee doorashada Nigeria ayaa waxaa hogaaminaya ra’iisul Wasaarihii hore ee dalka Itoobiya Hailemariam Desalegn iyadooo ay qayb kayihiin masuuliyiin kala duwan sida safiiro, xildhibaano, guddoomiyeyaal Guddiyo Doorasho iyo Ururada Bulshada rayidka ee inta wadama qaarada Africa

Kormeerayaashan caalamiga ah ayaa si gaar ah diirada u saaraya hanaanka ay u dhici doonto doorashada barlamaanka iyo madaxweynaha dalka Nigeria oo lagu wado in ay qabsoonto 16 Febraayo.

Labadii maalmood ee la soo dhaafay ayay koormeerayashu waxay kulamo warbixino ah ka dhagaysanayeen dhinacyada ku lugta leh diyaar garowga doorashada sida, guddiga doorashada ee Nigeria-INEC, Ha’adaha u xilsaaran sugidda amniga doorashada iyo qaar kamid ah bulshada rayidka ah.

Waxaa lagu wadaa in xubnaha hawlgalka kormeerayaashu ay u kala safraan maalinta beri ah gobolada iyo degmooyinka kala duwan ee dalka Nigeria si ay maalinta sabtida ah u bilaabaan hawlahooda kormeerka codbixinta

Waxaa la rajeynayaa in horaanta isbuuca soosocda uu kormeerayasha Midowga Africa ay soo saaraan warbixino horudhac ah oo la xiriira sida doorashadu u dhacday.

Sidoo kale waxaa dalka Nigeria ku sugan kormeerayaal kale oo caalami ah kuwaas oo ka kala socda wadamo iyo ururo caalami ah sida, Dowlada Mareykanka iyo Midowga Yurub.

C/raxmaan Diini, Hiiraan Online
[email protected]













Click here
2/15/2019 3:17 PM EST
Jimco, Feberaayo, 15, 2019 (HOL)- Wasiirka Maaliyadda Soomaaliya, Cabdiraxmaan Ducaale Beyle, ayaa sheegay in hay’adaha caalamka ay hadda u ololeynayaan sidii looga cafin lahaa deymaha lagu leeyahay Soomaaliya, taas oo ku timid hagaajinta maamulka Maaliyadda Dalka.

2/15/2019 2:44 PM EST
Jimco, Feberaayo, 15, 2019 (HOL)- Warar dheeraad ah ayaa ka soo baxaya toogasho galinkii danbe ee maanta ka dhacday xaafadda Jungal ee degmada Yaaqshiid, kaddib markii askari ka tirsan ciidamada dowladda uu rasaas ku dilay qof dumar ah.

2/15/2019 6:38 AM EST
Jimco, Feberaayo, 15, 2019 (HOL)- Ururka Al-shabaab ayaa qoraal ay ku baahiyeen baraha Internetka ku sheegeen ay madaafiic ku weerarreen saldhig militariga Mareykanku ku leeyihiin gobolka Shabeellaha Hoose.

2/15/2019 4:38 AM EST
Jimco, Feberaayo, 15, 2019 (HOL)- Cabdinur Sheekh Maxamad Isxaaq oo BBC ku biiray 1989, ayaa haatan ku jira maalmihii ugu dambeeyay ee shaqada BBC-da.

2/15/2019 4:12 AM EST
Jimco, Feberaayo, 15, 2019 (HOL)- Seminaar maalin socday oo lagu baranayey Doorka Aqoonta Nafaqeyntu u leedahay Caafimaadka iyo ahmiyadda fayo dhowrka guud ee bulshada ayaa lagu qabtay xarunta Jaamacadda Benaadir ee magaalada Maqdisho, iyadoo seminaarkan uu hordhac u ahaa barnaamij waxbarasho oo ah koorsooyin gaagaaban oo jaamacadu ay soo kordhisay.

2/15/2019 3:51 AM EST
Jimco, Feberaayo, 15, 2019 (HOL)- Qaramada Midoobay ayaa lagu wadaa in ay Todobaadka soo socda billowdo Sanduuqa dhismaha nabadda ee Soomaaliya, kaas oo ay ku bixi doonto 30 Milyan oo Doollarka Maraykanka ah.

2/15/2019 1:36 AM EST
Jimco, Feberaayo, 15, 2019 (HOL)- Xubin ka tirsan xildhibaannada Slovenian ayaa xilka ka dagay ka dib markii uu dukaan ka xaday rooti la jeexay oo la dhex galiyay wixii lagu cuni lahaa, xildhibaanka ayaa sheegay in shaqaalaha dukaanka ku yaalla Ljubljana ay u isku mashquuleen oo uu wax la hadla waayay.

2/15/2019 12:37 AM EST
Jimco, Feberaayo, 15, 2019 (HOL)- Wararka naga soo gaaraya magaalada Gaalkacyo ee xarunta gobolka Mudug ayaa sheegay in maamulka labada dhinac magaalada xalay iska kaashadeen diminta Dab ka kacay kaalin shidaal, kaasoo geystay bur bur hanti.