3/28/2024
Today from Hiiraan Online:  _
Wararka Maanta- Talaado, Feb 12, 2019
Muqdisho oo lagu qabtay shir looga hadlayay wacyi-galinta dhibaatada Gudniinka Fircooniga


Talaado, Feberaayo, 12, 2019 (HOL)- Soomaaliya waxaa ay ka mid tahay dalal ugu badan ee haweenka lagu fuliyo gudniinka Fircooniga, taasoo sababta halis soo food saarta haweenka gudniinka lagu sameeyo oo qaarkood u geeriyooday

Haddaba magaalada Muqdisho ayaa maanta lagu qabtay kulan looga hadlayay ka wac-yigalinta bulshada dhibaatada uu leeyaha gudniinka Fircooniga.

Ifraax Axmed oo ah madaxa hay’adda Ifrah Foundation oo kulanka soo qabanqaabisay ayaa Hiiraan Online u sheegtay in la arkayo dhibaatada laga dhax –lay gudniinka noocan ah, haddana wali waalidiintu ku dhiiranayaa in ay sii wadaan in gabadhahooda u gudaan fircoon.

‘’ Waxaa iigu layaab badneyd mar aan Miyiga gobolka Galguduud ku booqday hooyo gabadheedii oo 10 sano jir ah u geeriyootay gudniin, in ay ii sheegtay in haddii ay gabar kale dhasho wali ku taagan tahay jidkii ay gabadhii hore uga dhimatay islamarkaana ku sameyn doonto isla gudniinkii fircooniga ahaa ’’ ayeey tiri Ifraah Axmed.

Ifraah ayaa intaa ku dartay marka laga soo tago deeqa sidoo kale jiraan ilaa Lix gabdhood kale oo iyaguna u geeriyooday gudniinka fircooniga oo lagu sameeyay.

Axmed Cabdullaahi oo ah ku-xigeenka xeer ilaaliyaha Qaranka ayaa dhankiisa ka hadlay waxa shar-ciyan uga aadan dowladda Soomaaliya si loo joojiyo gudniinka noocan ah oo la sheegay in uu dhibaato ku yahay nolasha haweenka Soomaaliyeed.

‘’Labo arrimoodba waan dhihi karnaa meesha ayeey ka muuqdaan, dhinaca hore waa tacadi qof loo geystay, dhinaca kalana waa dhibaato guud  ahaa bulshadii taabaneysa, kiiska hadda ka dhacay Galmudug oo kale baaritaan ayaa ku socda, marka uu gudniinku sababo ilaa heer dhimasho waa danbi culus, tallaabo ayaana la qaadayaa’’ ayuu yiri ku-xigeenka xeer ilaaliyaha.

Sidoo kale gudniinkan ayaa ah mid khilaafsan shareecada Islaamka sida ay culima’uudinkii ka qeyb-galay kulanka wacyigalinta ah

''Nooc kasta oo uu yahay gudniinka haddii uu qofkii dumarka ahaa dhibaato ku keenayo Diintu waa xaaraantimeysay''

Ma’aha markii ugu horeysay oo kulan noocan oo kale la qabto, waxaana muuqata in hadda bulshadu ku baraarugsan tahay khatarta haweenku kala kulmayaan gudniinkan.

C/raxmaan Diini, Hiiraan Online
[email protected]  













Click here
2/12/2019 8:17 AM EST
Talaado, Feberaayo, 12, 2019 (HOL)-Wasiirka Maaliyadda Xukuumadda Federaalka Soomaaliya Mudane Cabdiraxmaan Ducaale Beyle ayaa maanta xafiiskiisa kula kulmay Bella Bird oo ah Madaxa Bangiga Aduunka ee qaar ka mid ah Wadamada Bariga Afrika sida, Soomaaliya, Tanzania, Burundi iyo Malawi.

2/12/2019 8:07 AM EST
Talaado, Febraayo 12, 2019 (HOL)- Xukuumadda Somaliland ayaa qaylo dhaan u dirtay hay’adaha gargaarka si biyo loola gaadho toban kun oo qoys oo biyo yaraani soo foodsaartay.

2/12/2019 5:09 AM EST
Talaado, Feberaayo, 12, 2019 (HOL)- Golaha Xukuumadda Puntland ee uu dhowaan soo magacaabay madaxweynaha Puntland,Siciid Cabdullaahi Deni ayaa lagu dhaariyey xarunta madaxtooyadda Puntland ee magaalada Garoowe.

2/12/2019 3:00 AM EST
Talaado, Feberaayo, 12, 2019 (HOL)- Ciidanka amniga Puntland ee (PSF) , ayaa howlgal gaar ah oo ay ka fuliyeen deegaanno dhaca Koofurta magaalada Boosaaso waxaa lagu soo qabtay rag dhallinyaro oo la sheegay inay doonayeen inay ku biiran Daacishta ku sugan buuraha Cal-miskaat.

2/12/2019 2:33 AM EST
Talaado, Feberaayo, 12, 2019 (HOL)-Rag hubaysan ayaa toogasho ku dilay nin ganacsade ah oo aad looga yaqaanay magaalada Boosaaso ee xarunta gobolka Bari, sida laga soo xigtay saraakiisha.

2/12/2019 2:29 AM EST
Talaado, Feberaayo, 12, 2019 (HOL)- Madaxweynaha Soomaaliya Maxamed Cabdullaahi Farmaajo oo la kulmay Dhiggiisa Dalka Sudan Cumar Xasan Albashiir ayaa la wadaagay muhiimadda ay siinayso Dowladda Soomaaliya adkeynta iyo xoojinta xiriirka taariikhiga ah ee ka dhaxeeya labada dal.

2/12/2019 1:17 AM EST
Talaado, Feberaayo, 12, 2019 (HOL)- Taliska ciidamada howlgalka midowga Africa AMISOM ayaa magaaalada Muqdisho ku leh shir soconaya muddo Afar cisho ah oo la sheegay in looga arinsanayo qorshaha ka bixitaanka ciidamada midowga Africa ee Soomaaliya.

2/12/2019 12:29 AM EST
Talaado, Feberaayo, 12, 2019 (HOL)- Ilhaan Cumar oo ah gabadh Soomaali ah oo dhawaan ka mid noqotay Aqalka Congresska ee dalka Maraykanka ayaa raali galin ka bixisay Twitter ay qortay oo tilmaamaya in xildhibaannada Maraykanku ay Israa'iil u taageeraan ururrada u ol'oleeya awgeed.

2/12/2019 12:19 AM EST
Talaado, Feberaayo, 12, 2019 (HOL)- Koox ku hubeysan bastoolado ayaa xalay xaafadda Howl-wadaag ee magaalada Beledweyne toogasho ku dilay shaqaale ka tirsanaa waaxda maaliyada gobolka Hiiraan oo lagu magacaabi jiray Cismaan Cali Maadeey [ Cismaan Ganeey]