Talaado, Feberaayo, 12, 2019 (HOL)- Rag hubaysan ayaa toogasho ku dilay nin ganacsade ah oo aad looga yaqaanay magaalada Boosaaso ee xarunta gobolka Bari, sida laga soo xigtay saraakiisha.
Dilkan oo loo adeegsaday bastoolad ayaa xalay ka dhacay mid ka mid ah xaafadaha ugu mashqulka badan magaalada Boosaaso, sida ay goobjoogayaal sheegeen.
Ma jirto cid sheegatay mas’uuliyada dilka ganacsadaha, sidoo kale hay’adaha amniga kama soo bixin warbixin dilkan looga hadlay, iyadoo uu ku soo aadday xilli muddooyinkii dambe ay howlgallo ka wadeen ciidanka amniga magaalada Boosaaso.