Ra'iisal Wasaare Kheyre oo soo dhaweeyay heshiiska laga gaaray dhismaha Dowlad gobolleedka Galmudug
Khamiis,December, 12, 2019 (HOL)-Ra’iisal Wasaaraha xukuumadda federaalka Soomaaliya mudane, Xasan Cali Kheyre, ayaa soo dhoweeyay heshiiska dhex maray Dowladda Federaalka iyo Ahlu Sunna Wal-Jamaaca (AWSJ).
Heshiiska oo ku yimid wada hadal dheer oo dhexmaray Dowladda Fedaraalka iyo ASWJ oo ay Gacan ka gaysteen dhamaan qaybaha kala duwan ee bulshada ayaa waxa uu saldhig u yahay Galmudug midaysan oo loo wada dhan yahay.
Ra’iisul Wasaaraha waxa uu ugu baaqay dhamaan dadka Soomaaliyeed gaar
ahaan reer Galmudug in ay kawada shaqeeyaan sidii loo dhisi lahaa maamul u adeega shacabka Galmudug.
Sidoo kale waxaa uu ugu baaqay dhammaan bulshada Galmudug in ay muujiyaan dulqaad iyo isu tanaasul Gacannna ka gaystaan hirgelinta heshiiskan.
Kheyre ayaa uga mahad celiyay ASWJ dedaalka ay muujiyeen si loo gaaro heshiiskan.
Ugu dambayntii waxaa uu u mahad celiyay cid walba oo Soomaaliyeed oo
Gacan ka gaysatay heshiiskan iyo xubnaha Beesha Caalamka oo mar walba
Garab taagan Shacabka Soomaaliyeed.
C/raxmaan Diini, Hiiraan Online
[email protected]
