Bandhiga caalamiga ee buugaagta ayaa maanta lagu qabtay magaalada Laascaacood ee xarunta Gobolka Sool
Talaado, December, 10, 2019 (HOL)-Madal si qurux badan loo soo abaabulay oo ay isgu yimaadeen Culimo, aqoonyahan, siyaasiyiin, waxgarad , suugaanyahan, fanaaniin iyo marti sharaf tiro badan ayaa waxaa furitaanka kulankani ku soo dhaweeyay duqa dagmada laascaanood C/casiis xuseen wuxuuna xusay inuu si kal iyo laab ah ugu soo dhaweenayo magaalada wufuuda kal duwan ee maalmahanba ku soo qulqulaysay gobolka.
Gudoomiyaha gobolka Sool C/qani Maxamuud Jiidhe hadal
yar ku soo dhawaynayay ka soo qayb galayaasha ayaa bogaadiyay madax
hay'ada maxaligaa ee SVO C/kariin Siciid Aw Cabdi oo qabnqaabiyay
suurana geliya kulankan oo aan hore uga qabsoomin magaaladan, wuxuuna
goobta ka sheegay in dhawaan la dhagax dhigi doono mutxaf uu gobolku
yeelan doono , qorigiina qalin lagu badaly.
Garaad
Jaamac garaad Ismaaciil Ducaale oo ku hadlayay afka dhaqanka deegaanada
SSC ayaa soodhawayn kadid ku timaamaay madashan wax-qabad ku dayasho mudan. " ishii buktaay ku bikaacso " sidaasi waxaa yidhi Garaad Jaamac garaad Ismaaciil.
Abwaan
Jaamac Kadiye Cilmi oo suugaan micno badan xanbaarsan ka soo jeediyay
kulanka ayaa sheegay inuusan ku talgalin in ka soo qayb galo madsha oo
uu ka war qabin ee uu suugaan u gaar ah soo jeedin lahaa ee lagu soo
kadiyay.
Wasiirka
Warfaafinta Somaliland Saleebaan Yuusuf Cali ayaa sheegay in ka maamul
ahaan ay gadan doonaan 500 oo buug loona qaybin doono aqoonyahanka
madasha isugu yimid, waxa kaloo uu tibaaxay in gobolku uu usoo jeedsaday
dhinaca horumarka ishuna ay macalin tahay.
Wasiiro
tiro badan oo ka socdey Somaliland iyo dawlad degaanka Soomaalida
Itoobiya ayaa khudbado kala duwan ka jeediyey ayaa gobolka Sool iyo
Laascaanood in ay tahay meel amaan ah oo sugtay ku tubashada dhabaha
horumarka.
Hay'ada
maxaligaa ee SVO oo maalgalinaysay Bandhiga Caalamagaa ee buugaagta ayaa
mahadnaq balaadhan ku mutaystay kulankan qabsoomidiisa oo ahaa kii ugu
horeeyay ee ka dhaca gobolka Sool.
Hadal haynta ugu
badan ee bulshada iyo barahooda isgaadhsiineed haysta ayaa ah amaanta gudoomiyaha hayadda SVO Cabdikariin Siciid aw Cabdi oo ah nin dhalinyaro
ah lehna ku dhac geesinimo Mutaystana maamuus aan la qiyaasi karin.
Bandhigan oo socon doona sida la saadaalinayo sadex maalmood ayaa waxaa dhinac socon doona tartan ciyaareed iyo suugaaneed.
Madashan
ayaa waxaa si aad ah u bilay oo indhaha ka qaybgalayaasha soo jiitey
barbaarta farda fuulka ah ee goobtaa wacdaraha ka muujisay, hablaha
hidaha iyo dhaqanku udhamaystiranyahay, aqalada labaderyaalaha goobta ka
muuqdey.
Seynab Cabdi Warsame, hiiraan online
Laascaanood, gobolka Sool.