8/5/2020
Today from Hiiraan Online:  _
Wararka Maanta- Arbaco, Aug 7 , 2019
Guddoomiyaha Baarlamaanka Soomaaliya oo khudbad ka jeediyay Shirka sanadlaha ee guddoomiyaasha Baarlamaanada Afrika




Arbaco, Augusto, 07, 2019 (HOL)-  Guddoomiyaha golaha shacabka ee Baarlamaanka Soomaaliya,Maxamed Mursal Sheekh Cabdiraxmaan ayaa ku sugan dalka Koonfur Afrika, halkaa oo uu uga qaybgalay shirka sanadlaha ee guddoomiyaasha Baarlamaanada Afrika.

Shirkan oo lagu qabtay magaalada  Johannesburg  ayaa guddoomiyaha Baarlamaanka wuxuu ka jeediyay khudbad ku baxeysay luuqada Ingiriiska, isagoo kaga hadlay dhowr qodod oo quseeyay Arrimaha qaxootiga iyo barakacyaasha Soomaaliya iyo tan guud ahaan qaaradda Afrika.

Waxyaabaha uu Guddoomiyaha golaha shacabka uu khudbadiisa diiradda ku saaray waxaa ka mid ahaa xal u helida Arrimaha dadka barakacyaasha ah oo ah dadka gudaha ku barakacay iyo sidoo kale qaxootiga isagoo tusaale usoo qaatay xadigga ama tirada dadka qaxootiga ah ee Afrika ,sidoo kalena Marka la fiiriyo dadka gudaha ku barakacay Soomaaliya uu yahay waddanka ugu badan, dhanka Soomaaliya xal u helida arrinta barakacyaasha iyo qaxootiga ay marka hore ka horeyso sida uu sheegay in dalka dhaqaale ahaan kor loo qaado isagoo tilmaamay in haddii kobac dhaqaale uu yimaado arrimaha qaxootiga iyo barakacyaashana xalkeeda la helaayo.

Mar uu ka hadlayay kaalinta hay’addaha ka shaqeeya dhinaca bani’aadanimada waxa uu sheegay in uu jiro gaabis dhankoooda ama doorkooda arrimahaas la xiriirta oo aan u muuqan sidii loo baahnaa taasina uu sheegay in laf ahaanteeda ay tahay mid u baahan in xalkeeda la raadiyo.

 Maxamed Mursal ,Guddoomiyaha golaha shacabka Soomaaliya ayaa dhammaan dalalka Qaaradda Afrika gaar ahaan baarlamaanada Afrika waxa uu u sheegay in loo baahanyahay qorshe guud oo wax looga qabto Arrimaha qaxootiga iyo barakacyaasha si taas ay suuragal u noqotana ay muhiim tahay in guud ahaan dalalka Afrika ay si wadajir ah uga wada shaqeeyaan.

Gabagabadii, mar uu ka hadlayay dhinaca xallinta khilaafyada ee qaaradda iyo sida xalkooda loo wajaho ayuu soo hadal qaaday in ay badatay in xallinta khilaafyada hub ama hannaan aan wada-hadal aheyn loo adeegsado taasina uu sheegay in ay kaga habboontahay in khilaaf kasta iyo kala aragti duwanaansho walba lagu xalliyo wada-hadal dadka ay quseysana loo sameeyo dib u heshiisiin dhab ah maadaamaa buu yiri  adduunyadu hadda ay u gudubtay in wax walba xalkooda dib u heshiisiin lagu dhammeeyo.

Iman Mohamed Jama, Hiiraan Online
[email protected]








Click here
8/7/2019 12:30 PM EST
Arbaco,Augusto, 07, 2019 (HOL)- Qoraal kasoo baxay wasaaradda shaqada iyo arrimaha bulshada ee xukuumadda Federaalka Soomaaliya ayaa lagu sheegay in shaqaalaha dowladda ay yihiin fasax maalmaha Ciidda Carafo.

8/7/2019 12:00 PM EST
Arbaco, Augusto, 07, 2019 (HOL)-Madaxweynihi hore ee deegaanka Soomaalida Cabdi Maxamuud Cumar ayaa loo haystaa falal kala geddisan oo ka dhacay deegaanka Soomaalida oo ay ka mid yihiin dilal, jirdil, barakicin, gooba ganacsi iyo kaniisado lagubay dacwado la xiriira.

8/7/2019 8:45 AM EST
Arbaco,Augusto, 07, 2019 (HOL)- Madaxa xukuumadda dowlad gobolleedka Galmudug dhinaca kalana ah hoggaamiyaha Ahlu Sunna Waljameeca ayaa soo saaray qoraal shaki badan galinaya heshiiskii ay la galleen dowladda federaalka.

8/7/2019 6:02 AM EST
Arbaco, Augusto, 07, 2019 (HOL)-Qoraal ka soo baxay xafiiska guddoomiyaha Golaha Shacabka Maxamed Mursal Sheekh Cabdiraxmaan ayaa lagu sheegay in la soo xiray Kalfadhiggii Shanaad ee Golaha Shacabka.

8/7/2019 4:24 AM EST
Arbaco, Augusto, 07, 2019 (HOL)- Wakiilka Midowga Afrika ahna madaxa howlgalka ciidammada AMISOM, Francisco Madeira ayaa ka hadlay dagaalka Al-Shabaab ee gudaha Soomaaliya, kuwaas oo uu sheegay inay beddeleen hab-kooda dagaal.

8/7/2019 4:07 AM EST
Arbaco, Augusto, 07, 2019 (HOL)-Musharixiinta u taagan xilka madaxweynaha dowlad gobolleedka Jubbaland oo Kismaayo kulan kula qaatay wakiilka Urur gobolleedka IGAD ayaa waxaa ay u gudbiyeen sharuud ay ku xireen ka qeybgalka doorashada Jubbaland

8/7/2019 3:56 AM EST
Arbaco, Augusto, 07, 2019 (HOL)- Xukuumadda dalka Thailand ayaa shaaca ka qaadday in toddobaadkan dalkaasi ay ku laaban doonaan ku dhowaad 50 ruux oo u dhashay, kuwaaso ku xayirmay xeebaha ku dhow magaalada Boosaaso ee gobolka Bari.

8/7/2019 3:32 AM EST
Arbaco, Augusto, 07, 2019 (HOL)- Dowladda Marekanka ayaa sheegtay inay labo laabbayso dagaalka ka dhanka ah Al-Shabaab ee gacanta lagu siinayo dowladda Soomaaliya iyo diyaarinta ciidamo Soomaaliyeed oo kala wareega AMISOM ammaanka guud ee dalka.

8/7/2019 1:41 AM EST
Arbaco, Augusto, 07, 2019 (HOL)- Dowladda Filibiin ayaa ku dhawaaqday xaalad deg deg ah, kaddib marki dad gaaraya 622 qof ay u dhinteen xanuunka dengue oo ah cudur ay gudbiso kaneecada teeda dhiddiga ah.

8/7/2019 1:23 AM EST
Arbaco, Augusto, 07, 2019 (HOL)- Wararka naga soo gaaraya gobolka Shabeellaha Hoose ayaa sheegaya in saacadihii ugu danbeeyay deegaanno hoostaga gobolka dhaqdhaqaaqyo ciidan ka wadeen militariga dowladda Soomaaliya iyo ciidamada sida gaarka ah u tababaran ee DANAB.

8/7/2019 1:02 AM EST
Arbaco, Augusto, 07, 2019 (HOL)- Dowladdaha Venezuela iyo Uruguay ayaa uga digay muwaadiniintooda in ay u safraan Mareykanka, kaddib toogashadi dadka badan lagu dilay ee Sabtidi iyo Axadi ka dhacday gobollada Texas iyo Ohio.