Khamiis,Augusto, 15, 2019 (HOL)-Magaalada Kismaayo oo ay ka jiraan dhaqdhaqaaqyo siyaasadeed ayaa lagu wadaa in ay maanta gaaraan wafdi ka socda beesha calaamka
Wafdiga ayaa lagu wadaa in uu hoggaamiyo wakiilka gaar ah ee Qarramada Midoobey u qaabilsan Soomaaliya James Swan, kuwaa oo kulamo kala duwan la qaadan doona madaxweynaha dowlad gobolleedka Jubbaland Axmed Maxamed Islaam (Axmed Madoobe) iyo guddiga doorashada.
Todobaadkii hore ayaa waxaa Kismaayo tagay wafdi uu hoggaaminayay
Wakiilka Urur Goboleedka IGAD, waxaana dhowr cisho oo ay joogeen la
kulmeen Madaxweynaha Jubbaland, Wasiirada, Guddiga doorashada,
Musharaxiinta Mucaaradka iyo odayaasha dhaqanka, iyagoo ku baaqay in la
dejiyo xaalada, lagana shaqeeyo sidii xasillooni iyo nabad ku dhici
laheyd doorashada.
Kismaayo ayaa gashay marxlad siyaasadeed oo adag kaddib markii looga dhawaaqay xildhibaannada labo baarlamaan oo iska soo horjeeda iyadoo laga cabsi qabo in halkaa ay ka sameysmaan labo madaxweyne oo iska soo horjeeda.
C/raxmaan Diini, Hiiraan Online
[email protected]
