Khamiis ,April, 18,
2019 (HOL) – Ciyaaraha Soomaalida ee Columbus oo sanad
walba lagu qabto xiligan ayaa tartankii 19aad ka biloowday shalay magaaladda
Columbus Ohio ee Mareykanka.
Xafladii
furitaan ayaa lagu qabtay gudaha garoonka ay ciyaarahu ka dhacayaan iyagoo
socon doona ilaa maalinta axada ah oo la ciyaarayo tan kama danbaysta ,Xafladda
furitaanka waxaa ka soo qeyb galay qaar
ka mid ah kooxaha ciyaaraya madax ka
socday magaalada Columbus, hay’adaha dhaqaalaha ku bixiya koobkan sanad walba
iyo dadwaynaha dagan magaaladan
Sanadkaan
waxaa ciyaaraha ka qaybgalaya 20 koxood oo kala socda gobolada Maraykanka iyo
dalka Canada, ciyaartooyda yar yar , iyo kuwa cuslaadaybda
Bashiir
Geelle oo ah Madaxa ciyaarahaan Columbus Indoor Soccer Cup ayaa shalay ka gudoomay
madaxda Franklin County waraaq ay ugu
hanbalyeeyeen ciyaarahaan kaalinta wanaagsan uga jira horemarka bulshadda Ohio.
Flickinger Legal Group oo ah xafiis garyaano sanad walba ka
qeyb qaata taageerada ciyaarahaan ayaa shalay meesha ka hadlay waxayna sheegeen
inay farxad u tahay ka qaybgalka ay sanad walba ka soo qaybgalaan kunu
kasbadeen saaxiibtinimo qoto dheer oo xafiiskoodu la lee yahay Soomaalida Ohio.
Ciyaarahaan oo la qabnayo sanadkii 19aad ayaa waxaa
magaaladdan isagu yimaado bahda isboortiga oo jiilal kala duwan ah, waxayna
camirtaa magaaladdan oo ganacsiga soomaalida ayaa sare u kaca dadka badan oo
magaaladda imanaya awgeed
Shalay ciyaaraha waxaa lagu furay Tiger’s Minnesota iyo
Faynuus FC oo Minnesota ah ,waxaana 2 iyo hal ku guulaystay Faynuus FC oo
sanadkaan ugu horeeyso ciyaaraha, waxaa kale wada ciyaaray Hilaac Ohio iyo
Kooxda Washington DC waxaa iyadana 5 iyo
2 ku guulaystay Hilaac Ohio.
Siyad Said Salah
Hiiraan Online
[email protected]
