Khamiis, April, 18, 2019 (HOL) – Madaxweynaha
Somaliland, Mudane Muuse Biixi Cabdi iyo wefti uu hoggaaminayo, ayaa maanta
safar shaqo oo muddo kooban qaadan doona ugu ambo baxay dalka Isu-tagga Imaaraadka
Carabta.
Safarkan oo noqonaya kii saddexaad ee uu ku tago
Imaaraadka Carabta, waxaana socdaalkiisa ku wehelinayaa wasiir arimaha dibadda
iyo wasiirka qorsheynta qaranka.
Masuuliyiinta Imaaraadka ayaa usoo direy diyaarad
khaas ah, waxaana ka saaka ka duuleen madaarka caalamiga ah ee Cigaal
International Airport.
“Waxan doonayaa inaan halkan ummadda Somaliland
uga baahiyo inuu jiro socdaal uu madaxweynaha Somaliland ugu baxayo dalka
Imaaraadka Carabta, waana socdaal gaaban oo maalin iyo laba aan dhaafsiisnayn
oo uu madaxweynuhu shaqo ugu baxayo, waxana uu socdaalkaasi ku saabsan yahay
xidhiidhadii iyo wax wada-qabsigii hore uga dhexeeyey labada dal, waxana
raacaya xubno xukuumadda kamid ah.”ayuu yidhi wasiir Farotoon oo ka hadlayey
ujeedadda socdaalka madaxweynaha
Shirkada DP world ayaa maamusha dekadda Berbera,
iyadoo ay ahayd inay muddo laba sanno ah ku balaadhiyo dekada ayaan wali u
suurogalin inay shaqadii dhamaystirto, sidoo kale jidkii isku xidhayey Berbera
iyo Walaale oo ay ahayd inay bilowdo ayaan wali la bilaabin, waxaana laga yaaba
inay arrimahaasi ka wada hadlayaan
Barkhad-ladiif
M. Cumar, Hiiraan Online
[email protected]
Hargeysa, Somaliland.