Madaxweynaha Khaatumo ayaa soo gaarey Magaalada Laascaanood
Khamiis, Maarso, 01,
2018 (HOL) – Madaxweynaha
Khaatumo Cali Khaliif Galeyr ayaa soo gaadhey magaalada Laascaanood Xarunta
Gobolka Sool ee Laascaanood kadib markii uu ka soo laabtay safar uu mudo ugu
maqnaa dalka debediisa.
Madaxweyne Galaydh oo ay
ku soo dhoweeyeen duleedka Laascaanood halka lagu magcaabo Xargegga waxgarad,
Dadweyne iyo qaar ka mid ah maamulkii Khaatumo.
Qaar ka mid ah
waxgaradkan ayaa Prof. Galeyr socdaalkiisa ka hadlay sheegayna in ay sugayeen
isla markaana uu u maqnaa, diyaarna ay u yihiin.
Galayr oo
soodhoweyntiisa ka hadlay ayaa u mahad celiyey dadkii kaga hortegey Xargegga
uga mahad celiyey soo dhoweyntiisa ayaa waxa uu sheegay in uu ugu warami doono
fadhi ka balaadhan halkan la joogo.
"Waxaan moodi
jireyin boholaha Xargegga ay dhaadheeryihiin waxaase lay sheegay in halkani ay
meel hoose tahay dhulka dhaadheerina ay sareeyaan.waxaan maqli jirey Hoh iyo
boholaha Xargegga, nin duulaayay dabraan, nin xiimaayay xidhaan, hadana waxaan
leeyahay mala siyaasada Khaatumo ayaa saas ah, nin walowba saad doonto u
fasiro" ayuu yidhi Prof, Galaydh oo ka cudur daartay inuu war intaas ka
badan halkaas ku bixiyo.
Safarkan Cali Khaliif
Galaydh uu ayaa la sheegayaa in uu ku wajahan yahay degaanka Xidhxidh ee
galbeedka D. Laascaanood oo dhowaan la filayo in uu beeshiisa shir uga furmo,
shirkaas oo sida xanshashaqu sheegayo in uu siyaasadiisa ka dhan yahay.
Seynab Cabdi Warsame
[email protected]
Laascaanood G. Sool
