Sabti, Janaayo, 20, 2018 (HOL) – Wararka ka imanaya dalka Koonfur Africaa
ayaa sheegaya in kooox burcad ah xalay ganacsade Soomaaliyeed ku dileen
magaalada Johansenbeg ee dalkaasi.
Ganacsadaha la dilay ayaa waxaa lagu magacaabi jiray Liibaan Cali , waxaana
la dilay isaga oo ku sugan xaruntiisa ganacsi.
Johansenbeg waxaa wali yaalla maydka Marxuum Liibaan Cali, waa muwaadin kale
oo Soomaaliyeed oo isna maalin ka hor ay dishay koox hubeysan.
Inta badan dillalka ka dhaca Koonfur Africa ayaa waxaa loo geystaa
Soomaalida ku nool dalkaasi, kuwaasi oo ganacsiyo kala duwan leh, dableyda
dilalka geysata ayaanan inta badan suuragelin in gacanta lagu soo dhigo.
Waxaa jira walaac ay qabaan ganacsatada Soomaaliyeed ee ku dhaqan dalka
Koonfur Africa, kaa oo ku saleysan dilalka joogtada ah ee lagu hayo.
Marka laga soo tago dilalka qorsheysan ee muwaadiniinta Soomaaliyeed iyo
dhaca loo geysanayo goobohooda ganacsi ayaa hadana waxaa ay dhibaatooyin ku
qabaan helida sharciga dal ku jooga oo ay bixiso dowladda South Africa.
C/raxmaan Diini,
Hiiraan Online
[email protected]
