Isniin, December,
03, 2018 (HOL) – Kooxda Xuutiyiinta ee dalka Yemen ayaa xaqiijiyay in
diyaarad ay leedahay Qaramada Midoobay ay daad gurayn doonto dagaalameyaal ka
dhaawacmay jabhadda Xuutiyiinta, islamarkaana ay geyn doonto magaalada Caman.
Ku dhawaad 50 ka mid ah Kooxda dhaawacyadda
xuutiyiinta ee culus ayaa lagu wadaa in laga qaado magaalada caasimadda ah ee
Sanca taas oo ay gacanta ku hayaan Jabhaduhu, iyaga oo galinka dambe ee maanta
la gayn doono Caman.
Waxaa ay sheegeen in tallaabadan uu codasaday Martin Griffiths oo ah
ergayga Qaramada Midoobay u qaabilsan Yemen.
“Diyaaradda Qaramada Midoobay ayaa Isniinta ka dagi doonta garoonka
caalamiga ah ee Sanca. Saddex dhakhtar oo Yemen u dhashay iyo dhakhtar Qaramada
Midoobay ka socda ayaa dhaawacyada ka qaadi doona Sanca waxayna gayn doonaan
Masqad.” Sida uu sheegay qof habeennimadii u hadlay xulafada.
Arrintan ayaa looga golleeyahay in lagu dhiso kalsoonida ka hor
wadahadallada ay labada dhinac yeelanayaan.
Wadahadallada ay Qaramada Midoobay taageerayso ee u dhaxeeya jabhadda iyo
dawladda uu Sacuudigu taageerayo ayaa lagu wadaa in uu dhaco maalmaha foodda
inagu soo haya.
Xigasho BBC
