Damaashaadka Ciidda iyo xaafadda Daarusalaam ee magaalada Muqdisho
Arbaco, August, 22, 2018 (HOL) - Boqolaal ruux oo dadka reer
Muqdisho ah ayaa isugu tagay xaafadda Daarusalaam ee magaalada Muqdisho halkaa oo
inta badan munaasabadaha Ciidda dadku u dabaa-maashaad tagaan.
Dad
isaga kala yimid degmooyinka gobolka ayaa damaashaadka Ciidul Axdaa ku qaatay
xaafaddan oo inta badan laga helo goobo agabka carruurta lagu cayaarsiiyo iyo
goobo ay dadka waa-weyn iyo waalidiinta carruurta la socta ku nastaan.
Goobtan oo ah mid amaan ah,
waxaa xiliyada ciidaha ka muuqda isbadal ballaaran, waxaana lagu soo kordhiyaa
adeegyo qaas ah oo loogu tallo galay dadka usoo damaashaad taga Daarusalaam.
Bulshadii
halkaa isugu tagtay ayaa warbaahinta u sheegay in ay ku faraxsan yihiin iyaga
oo carruurtooda in ay ku damaashaad tagaan xaafadda Daarusalaam oo leh dhul
ballaaran oo dalxiis.
Maamulka
Xaafada Daarusalaam ayaa sheegay in
adeegyo aan horey u jirin ay soo kordhiyeen ciidan, si ay u qanciyaan
kumanaanka ruux ee usoo dalxiis taga xaafada.
Daaru-salam
waa goobta ugu ballaaran oo lagu Dalxiiso oo ku taalla Muqdisho, waxaana dhisay
ganacsato Soomaaliyeed oo reer Muqdisho ah.
Bulshada ku dhaqan magaalada
Muqdisho ayaa maalmaha Ciidda taga goobaha qurxoon ee caasimada oo waqti ku soo
qaataan iyaga iyo carruurtooda.
C/raxmaan Diini, Hiiraan
Online
[email protected]
