Munaasabada 58 Sano-Guuradii ka soo wareegtay Aas-aaska ciidamada xoogga dalka oo maanta la qabanayo
Khamiis,, April, 12, 2018 (HOL) –Magaalada
Muqdisho iyo gobollada dalka Soomaaliya waxaa maanta lagu qabanayaa Munaasabadda
lagu xusayo 58-guuradii ka soo wareegatay Aas aaska Ciidamada xoogga dalka oo
la dhisay 12 April 1960kii
Diyaar-garoowga munaasabadda ayaa laga dareemayaa magaalada
Muqdisho, iyadoo ammaanka aad loo adkeeyay.
Ciidamada xoogga dalka ayaa la filayaa inay
munaasabadda maanta ka dhaceysa xarunta Wasaaradda Gaashaandhigga ku soo
bandhigaan dhoolatus ciidan iyo gaada ka ciyaar.
Madaxda ugu sareysa dalka iyo taliyeyaasha
Ciidamada ayaa ka qeyb galaya munaasabaddan maalinta 12-ka April.
Dowladda Soomaaliya ayaa ku howlan dhismaha ciidamo hanaanka kara amniga guud ee dalka iyadoo waayadii ugu danbeeyay madaxweynaha dowladda Soomaaliya Maxamed Cabdullaahi Farmaajo uu fariisin ama deegaan ka dhigtay wasaaradda Gaashaandhiga, isaga oo halkaa ka waday isku dubaridka iyo dib u habeynta ciidamada xoogga dalka oo markii u
horeysay hoggaanada ciidanka laga qeyb geliyay dhalinyaro.
C/raxmaan Diini,
Hiiraan Online
[email protected]
