Khamiis, September, 27, 2018 (HOL) –Dadka reer Muqdisho ayaa
saakay ku soo toosay iyadoo ay gabi ahaanba xiran yihiin qeybo ka mid ah
jidadka ugu muhiimsan isku socodka dadweynaha ee magaalada Muqdisho.
Isgoyska Banaadir, Zoobe, Taleex, KM4, Shaqaalaha
iyo kuwa kale ayaa xiran, ciidamada dowladda ayaana ku sugan, sida ay inoo
sheegeen dad goobjoogayaal ah.
Lama ogol in ay isticmaalaan jidadka gaadidka
rayid, hasse ahaatee kaliya waxaa ogol
yahay in ay isticmaalaan gaadiidka ay wataan ciidamada qalabka sida.
Lama oga sababta loo xiray jidadka magaalada
Muqdisho oo ah kuwo ugu muhiimsan marka la eego isku socodka dadweynaha iyo
gadiidka.
Xirnaashihaha jidadka ayaa xayiraad muuqata ku keentay dad badan saakay
doonayay in ay tagaan goobahooda shaqo, kuwaa oo qaarkood la arkayo iyaga oo
lugeynaya.
C/raxmaan Diini, Hiiraan
Online
[email protected]