Yuusuf Daba-geed oo loo magacaabay guddoomiyaha gobolka Hiiraan
Sabti, September, 22, 2018 (HOL) –Madaxweynaha dowlad gobolleedka Hirshabeelle Maxmed
Cabdi Waare ayaa xilka guddoomiyaha maamulka gobolka Hiiraan u magacaabay
Yuusuf Axmed Hagar [ Yuusuf Daba-geed]
Wareegto uu ku saxiixan yahay madaxweyne Waare
ayaa lagu sheegay in xilkii guddoomiyaha gobolka laga qaaday Cabdullaahi Axmed
Maalin Sufuroow.
Yuusuf Daba-geed ayaa noqonaya mas’uulkii ugu
badnaa marar is xig xigta guddoomiye ka soo noqda gobolka, sidoo kalana waxaa
uu horay wasiir uga soo noqday isla maamulka Hirshabeelle.
Ka hor inta aysan magacaabistiisan soo bixin
waxaa siweyn looga hadal hayay baraha ay bulshada ku wada xiriiraan, taasoo muujineysa goor hore-ba la sii ogaa is badalkan dhacay.
C/llaahi Axmed Maalin ayaa xilkan hayay muddo shan bilood ah, iyadoo
bishii April loo magacaabay, taasoo magacaabisteeda muran ka dhashay,
kaddib markii xil ka qaadista uu diiday Cali Jeyte Cusmaan Guddoomiyihii
ka horeeyay.
Akhriso wareegtada ka soo baxday madaxweyne Waare
:
C/raxmaan Diini, Hiiraan
Online
[email protected]
