Kheyre oo magacaabay guddi Wasiirro ah oo Aqalka Sare kala shaqeeya xalinta khilaafka dowlad gobolleeyda
Talaado, October, 23, 2018 (HOL) –Guddiga oo ka
kooban Afar Wasiir oo ka tirsan xukuumadda Soomaaliya ayaa waxaa magacaabay ra’iisal
wasaare Xassan Cali Kheyre, iyaga oo kala shaqeyn doona Aqalka sare xalinta
khilaafka dowladda dhexe iyo dowlad gobolleedyada.
Magacaabistan ayaa timid iyadoo ay maanta ku
egtahay muddadii guddoonka Aqalka sare uu u qabtay madaxweynaha iyo ra’iisal
wasaaraha in ay kaga jawaabaan khilaafka taagan iyo sidii loo xalin lahaa,
waxaana guddiga guddoomiye u ah Wasiirka arrimaha Gudaha Cabdi Maxamed Sabriye.
Sidoo kale waxaa guddigan xubno ka ah Wasiirka
Wasaarradda Arrimaha Dastuurka Cabdiraxman Xoosh Jabriil, Wasiirka Wasaarrada
Maaaliyada Cabdiraxmaan Ducaale Beyle iyo Wasiirka Wasaarradda Amniga Maxamed
Abuur Isloow Ducaale.
Khilaafka u dhaxeeya dowladda Federaalka iyo
dowlad goboleedyada ayaa heerkii ugu xumaa gaaray, kaddib markii maamul
goboleedyada ay xiriirka u jareen dowladda Federaalka.
Guddiga ayaa imanaya xili maamul gobolleedyada
qaar-kood ku soo fool leeyihiin doora-shooyin adag, waxaana jira shaki
madaxweynayaasha maamul gobolleedyadu ka qabaan in dowladdu
fara-galiso doorashooyinkaas.
C/raxmaan Diini, Hiiraan
Online
[email protected]
